სტატიები

საქართველოს მთავრობამ ადგილობრივი თვითმმართველობების რეფორმირება ერთი წლის წინ დაიწყო. დედოფლისწყაროს მუნიციპალიტეტის გამგეობაში რეფორმის ერთწლიან შედეგებს აფასებენ და განმარტავენ, რომ დაიხვეწა და მოქნილი გახდა ბიუჯეტის ფორმირების პროცესი, რომელიც თითოეული მოქალაქის საჭიროებებზეა მორგებული. საპირისპიროს ამბობენ ადგილობრივები. ისინი ამბობენ, რომ რეფორმამ რეალურად არაფერი შეცვალა.

საკუთრების დაცვის უფლება ადამიანის ფუნდამენტური უფლებაა. მოქალაქეთა საკუთრების უფლების დაცვის კონკრეტული სამართლებრივი რეგულაციების, დაზარალებულთათვის შესაბამისი კომპენსაციის მექანიზმებისა და ზოგადად, განსახლების ერთიანი სახელმწიფო პოლიტიკის არქონა, ისევე, როგორც მოქალაქეთა მიერ საკუთარი უფლებების არცოდნა, დაინტერესებულ მხარეებს აძლევს საშუალებას კანონის არასწორი გამოყენებით ან ინტერპრეტაციით შელახონ საკუთრების უფლება.

თითოეული ადამიანი საგზაო მოძრაობაში ამა თუ იმ სტატუსითაა ჩართული: ვინ მძღოლია და ვინ ქვეითად მოსიარულე. მაგრამ საგზაო შემთხევისთვის ამას განსაკუთრებული მნიშვნელობა არც აქვს. 

კახეთში საგზაო ინფრასტრუქტურა რომ მოუწესრიგებელია, არავინ დავობს. არ არსებობს ქვეითად მოსიარულეთა გადასასვლელები, არის ტროტუარებისა და საგზაო ნიშნების პრობლემა. რიგ ქუჩებზე, ასევე, მოუწესრიგებელია ასფალტის საფარი და მოსაწყობია ბორდიულები.

არამდგრადი ამინდის მიუხედავად, კახეთში ჰაერის ტემპერატურა კვირის განმავლობაში მოიმატებს.  სინოპტიკოსების ინფორმაციით, ჰაერის ტემპერატურის დაკლება კვირის განმავლობაში მოსალოდნელი აღარ არის და აღმოსავლეთ საქართველოს მასშტაბით ჰაერის ტემპერატურა 28-33 გრადუსამდე გათბება. 

ზუსტად ერთი წლის წინ ახმეტის მუნიციპალიტეტმა პირდაპირი წესით აირჩია გამგებელი. ხელისუფლება განვლილი ერთი წლით თავს იწონებს და საუბრობს ძირეულ ცვლილებებზე, რომლებმაც, მათი შეფასებით, მოსახლეობაზე დადებითი ზეგავლენა მოახდინეს. ოპოზიცია ხელისუფლებას თვითკმაყოფილების რეჟიმში ყოფნის მაგიერ საქმის კეთებას ურჩევს. ადილობრივები კი ჩივიან რომ არჩევნების შემდეგ გამგებელს მათთან კომუნიკაცია აღარ ჰქონია და ამბობენ, რომ მისი კანის ფერიც კი დაავიწყდათ. 

ევროკავშირთან თავისუფალი ვაჭრობის შეთანხმების შემდეგ საქართველოს მეწარმეებისათვის პირველი შედეგები სახეზეა. მთავრობა მეთხილეებისათვის დღგ-ს გადასახადის მოხსნას გეგმავს. სოფლის მეურნეობის სამინისტროს მონაცემებით, შარშან თხილის ექსპორტმა პირველად გაუსწრო ღვინოს და უმთავრესი საექსპორტო აგროპროდუქტი გახდა, ხოლო აგრო-ექსპორტი პირველად ქვეყნის მთლიან ექსპორტში 29%-იანი წილით მესამე ადგილზე გავიდა. 

კახეთის სოფლებში მდებარე უკა­ნონო ნაგავსაყრელები, დაბინძურე­ბული ზედაპირული წყლები, სათავე ნაგებობებთან ახლოს მდებარე სა­საფლაოები და ქალაქის კანალიზაციე­ბი კახეთის სოფლებისა და ქალაქების მოსახლეობას სხადასხვა დაავადების გავრცელების საფრთხეს ქმნის, რაც გრძელვადიან პერსპექტივაში, გარე­მოს დაბინძურების რისკებს აძლიე­რებს და ადამიანის სიცოცხლისათვის საშიშ შედეგებს იწვევს. 

ადგილობრივი თვითმმართველობის რეფორმა ზუსტად ერთი წლის წინ განხორციელდა. რეფორმის მიზანი თვითმმართველობის საქმიანობის დეცენტრალიზაცია იყო. გამგეობებსა და საკრებულოებში აცხადებენ, რომ ძველ კოდექსში ბუნდოვანი იყო გამგებლისა და საკრებულოს თავმჯდომარის უფლებამოსილების გამიჯვნის საკითხი, 2014 წლის ცვლილებების შემდეგ კი, შეიქმნა თვითმმართველობის ინსტიტუციური მოწყობის ქმედითი მოდელი. ოპოზიცია თვითმმართველ ერთეულებში ისევ ცენტრალური ხელისუფლების გავლენაზე საუბრობს. 

2014 წლის 5 თებერვალს საქართველოს პარლამენტმა “ადგილობრივი თვითმმართველობის კოდექსი” დაამტკიცა, რომელმაც გარკვეული ცვლილებები შეიტანა ადგილობრივი თვითმმართველობის არსებულ სისტემაში.