ახალი ამბები

ღვინის ეროვნული სააგენტოს ინფორმაციით, ამ დროისათვის კახეთის რეგიონში გადამუშავდა 42 ათას ტონამდე ყურძენი. მათ შორის, 17 ათას ტონამდე რქაწითელი, 19 ათას ტონამდე საფერავი, 1,5 ათას ტონამდე კახური მწვანე და 6 ათას ტონამდე სხვა ჯიშის ყურძენი.

კახეთის რეგიონის საჯარო სკოლებში საპილოტე პროექტი იწყება. ჭადრაკის ელექტრონული პროგრამა II და III კლასებში დაინერგება. საგანი არჩევითი იქნება.

მიკრო და მცირე მეწარმეების დაფინანსების პროგრამის ფარგლებში კახეთში მეწარმეებზე გრანტების გაცემა ნოემბრიდან დაიწყება. ინდივიდუალურ მეწარმეებს პროექტის ფარგლებში მაქსიმუმ 5 ათასი ლარი გადაეცემათ, რამდენიმე ბენეფიციარის გაერთიანების შემთხვევაში კი მაქსიმალური დაფინანსება 15 ათასი ლარით განისაზღვრება.

სიღნაღის მუნიციპალიტეტში ელექტროშოკური ზემოქმედების აპარატით უკანონო თევზჭერის ფაქტი გამოავლინეს. 

თელავის სახელმწიფო უნივერსიტეტში ინგლისური ენის შემსწავლელი უფასო კურსები იხსნება. მშვიდობის კორპუსის მოხალისე, პედაგოგი ჯოზეფ დვაილიბი ერთი სემესტრის განმავლობაში უმაღლესი სასწავლებლის თანამშრომლებს ინგლისურ ენას საბაზისო და საშუალო დონეზე შეასწავლის

თელავში 36 წლის მამაკაცი მოკლეს. შემთხვევა წუხელ, შუაღმისას, დაახლოებით 01:00 საათზე მოხდა. Knews.ge-ს ინფორმაციით, 36 წლის ყოფილ პოლიციელს საკუთარი სახლთან ავტომატური იარაღიდან რამდენჯერმე ესროლეს. 

თელავში ქანდაკება ,,შენ ხარ ვენახი” ძველ ადგილს, თეატრის მიმდებარე ტერიტორიაზე მდებარე ჭავჭავაძის სახელობის სკვერში დაბრუნდება.

11 ოქტომბერს კორორტ ,,ახტალას” მიმდებარე ტერიტორიაზე სალხალხო დღესასწაული ,,გურჯაანქალაქობა” გაიმართება. ღონისძიება 12 :00 საათზე დაიწყება.

კახეთის რეგიონში ,,აგროდაზღვევის პროგრამაში“ ჩართული ბენეფიციარების ჭარბი ნალექის შედეგად მიყენებული ზარალის ანაზღაურება დაიწყო.

10-18 ოქტომბერს, თელავში, მუსიკის საერთაშორისო ფესტივალი გაიმართება. ფესტივალის მხარდამჭერია საქართველოს კულტურისა და ძეგლთა დაცვის სამინისტრო. ფესტივალის დამფუძნებელი და სამხატვრო ხელმძღვანელი კი, გამოჩენილი ქართველი პიანისტი ელისო ვირსალაძე.