ახალი ამბები

გურჯაანის რაიონულ პროკურატურას ახალი ხელმძღვანელი ჰყავს. დავით ნაღებაშვილი რაიონის მთავარი მბრალმდებლის პოსტზე საქართველოს მთავარმა პროკურორმა ირაკლი შოთაძემ დანიშნა. 

გურჯაანის მუნიციპალიტეტის გამგეობამ სატელევიზიო მომსახურება 42 000 ლარად შეიძინა. გამგეობამ ტენდერი 18 თებერვალს ჩაატარა. ტენდერში მონაწილეობდა მხოლოდ ტელეკომპანია “გურჯაანი”. 

მცირემიწიან ფერმერთა 2016 წლის საგაზაფხულო სამუშაოების ხელშეწყობის პროექტი“ დაიწყო. სოფლის მეურნეობის მინისტრის, ოთარ დანელიას განცხადებით, სამთავრობო პროგრამა მიზნად ისახავს მცირემიწიანი ფერმერების საქმიანობის სტიმულირების გაგრძელებას მათი მდგრად და განვითარებად ფერმერულ მეურნეობებად ჩამოსაყალიბებლად.

კახეთის რეგიონის სოფლების ნაწილში მოსახლეობას დღემდე ბუნებრივი აირი არ მიეწოდება. ადგილობრივები ამბობენ, რომ თხევად გაზს ყოველ კვირა ყიდულობენ, რაც მათ ფინანსურად აზარალებს.

გურჯაანში საშვილოსნოს ყელის კიბოს ორგანიზებული სკრინინგის პილოტური პროგრამის დანერგვა დაიწყო. 

კახეთის ცხრავე მუნიციპალიტეტის ხელმძღვანელმა პირებმა და თანამშრომლებმა პატივი მიაგეს 1921 წლის 25 თებერვალს საქართველოს დამოუკიდებლობისთვის ბრძოლაში გმირულად დაღუპულ იუნკერთა ხსოვნას. 

პანკისის ხეობაში საბჭოთა მთავრობის მიერ ვაინახური მოდგმის ხალხების გადასახლების 72-ე წლისთავისადმი მიძღვნილი ღონისძიება გაიმართა. 

ქალაქ თელავში კლინიკა ,,ნოვომედში” ენდოკრინოლოოგიის ეროვნული ინსტიტუტი ჩაატარებს უფასო გასინჯვებს შაქრიანი დიაბეტის ტიპი 2-ს (ვინც არ იმყოფება ინსულინ თერაპიაზე) და ფარისებრი ჯირკვლის(ჩიყვის) პათოლოგიების მქონე პაციენტებისთვის. 

ლაგოდეხის რაიონის სოფელ აფენის მოსახლეობასა და პოლიციას შორის ფიზიკური დაპირისპირება მოხდა. სამართალდამცველებმა ჩხუბის დროს ორი ადგილობრივი დააკავეს.

შსს-ს კახეთის პოლიციის დეპარტამენტის თელავის რაიონული სამმართველოს თანამშრომლებმა, წარსულში ნასამართლევი პირი გ.გ. განზრახ მკვლელობის ბრალდებით ცხელ კვალზე, რამდენიმე საათში, დააკავეს.