ახალი ამბები

თელავში, სოფელ კისისხევში, აგრარულ საკითხთა კომიტეტმა ღვინის კომპანია „შუხმან ვაინს ჯორჯიაში“ შეხვედრა გამართა. საუბრისბ თემას წარმოადგენდა „ვაზისა და ღვინის შესახებ“ საქართველოს კანონში დაგეგმილი ცვლილებების განხილვა.

თელავის სახელმწიფო უნივერსიტეტში გერმანიის ფოკსვაგენის მიერ დაფნანსებული პროექტი BOM UP დასრულდა. მისი მიზანი იყო თესაუში მშენებლობასა და უძრავ ქონებაზე ფოკუსირებული ძირითადი საბაკალავრო პროგრამის შექმნა და უნივერსიტეტისათვის ოფიციალურად გადაცემა. 

თელავის მუნიციპალიტეტის გამგეობის ზედამხედველობის სამსახურის თანამშრომელი ზ.ბ. ნარკოტიკული ნივთიერების შენახვისთვის პოლიციამ დააკავა.

დედოფლისწყაროს მუნიციპალიტეტის ადგილობრივი ბიუჯეტიდან საქართველოს ტერიტორიული მთლიანობისთვის ბრძოლაში დაღუპულთა ოჯახებს დახმარების მიზნით, ერთჯერადად 1000 ლარი გადაეცემათ.

ახმეტაში მოსახლეობამ საპროტესტო აქცია გამართა. ისინი, ,,საქართველოს გაერთიანებული წყალმომარაგების კომპანიის” მიერ გამრიცხველიანების გაგრძელების წინააღმდეგი არიან. 

თელავის სახელმწიფო უნივერსიტეტის წარმომადგენლობითმა საბჭომ ადმინისტრაციის ხელმძღვანელს პაატა გოცირიძეს უფლებამოსილება შეუწყვიტა. თესაუს კანცლერმა წარმომადგენლობით საბჭოს უფლებამოსილების ვადამდე შეწყვეტის მიზნით ერთი თვის წინ მიმართა. 

„დემოკრატიული მოძრაობის“ კახეთის რეგიონული ორგანიზაციის ხელმძღვანელი ვალერი შოშიაშვილი, გურჯაანში პოლიციელების მიერ, 30 წლის მამაკაცის ცემის ფაქტს ეხმაურება.

თუშეთში, მსოფლიო ბანკის დაფინანსებით, გზის სარეაბილიტაციო სამუშაოები მიმდინარეობს. ახმეტის მუნიციპალიტეტის გამგებლის, ბექა ბაიდაურის ინფორმაციით, სამუშაოებზე მილიონ 200 000 ლარი დაიხარჯება.

თელავში, საქართველოში უკრაინის საგანგებო და სრულუფლებიან ელჩი ვასილი ციბენკო და ელჩის მდივანი, ოლენა კურილო, კახეთის გუბერნატორსა და თელავის მერს შეხვდა.

თელავში, სოფელ რუისპირში მცხოვრები ლილი მარკოზაშვილის ოჯახის დასახმარებლად, 27 მაისს, ტელეკომპანია „თანამგზავრი” და ახალგაზრდული საინიციატივო ჯგუფი საქველმოქმედო საღამოს ჩატარებას გეგმავს.