ახალი ამბები

საგარეჯოს მუნიციპალიტეტის სოფელ პატარძეულში, 42 წლის მამაკაცი დენის დარტყმის შედეგად გარდაიცვალა. რადიო “ჰერეთის” ინფორმაციით, გარდაცვლილი ს/ს კახეთის ენერგოდისტრიბუციის აბონენტთა მომსახურების ცენტრის თანამშრომელი იყო. 

“ვაზისა და ღვინის შესახებ” კანონში ცვლილებები ხორციელდება. პარლამენტში განსახილველად წარდგენილი პროექტის მიხედვით, გაიმიჯნა ვაზის სამეწარმეო ჯიშები და მათი კლასიფიკაცია; შეიცვალა “მევენახეობის ზონების და ქვეზონების ჩამონათვალი”, სადაც მევენახეობის თითოეულ ისტორიულ ადგილს ეწოდა ზონა, მიუხედავად მათი ფართობისა; 

თელავის ორად გაყოფის პროცესი ადგილობრივი  თვითმმართველობის რეფორმის შედეგად  გასულ წელს დაიწყო და თელავის მუნიციპალიტეტის ქონებისა და ბიუჯეტის განცალკევებით დასრულდა, თუმცა ქალაქსა და თემს შორის საზღვრების დადგენის პროცესი ჯერ კიდევ  მიმდინარეობს. ქალაქ თელავისა და თელავის მუნიციპალიტეტის ბიუჯეტი საერთო ჯამში 15 მილიონს აჭარბებს.  ექსპერტები ყურადღებას ადმინისტრაციულ–ტერიტორიული ოპტიმიზაციის ცვლილებების გატარებაზე ამახვილებენ, რომელმაც თელავში მაცხოვრებელთა კეთილდღეობას უნდა შეუწყოს ხელი. რა კონკრეტული შედეგები მოიტანა თვითმმართველობის რეფორმის შედეგად თელავის ორად გაყოფამ, წაიკითხეთ მაკა ხაზიურის რეპორტაჟი. 

კახეთი რეგიონში 20 ივნისის ჩათვლით არამდგრადი ამინდი შენარჩუნდება. გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოლოგიური სამსახურში აცხადებენ, რომ 20 ივნისის ჩათვლით, აღმოსავლეთ საქართველოში, საღამოსა და ღამის საათებში, მოსალოდნელია ძლიერი წვიმა ელჭექით.

ქალაქ თელავსა და თელავის მუნიციპალიტეტის სოფლებში მცხოვრებ შეზღუდული შესაძლებლობის მქონე 21 პირს სტანდარტული ეტლები გადაეცა. შშმ პირებს ეტლები გადასცა საერთაშორისო ასოციაციამ ,,საქართველოს ქალები მშვიდობისა და სიცოცხლისათვის”, რომელიც თელავის ადგილობრივ თვითმმართველობასთან აღნიშნული კუთხით 2010 წლიდან მჭიდროდ თანამშრომლობს. 

სტიქიის დროს გარდაცვლილი 42 წლის ნატო ნინაშვილი, მშობლიურ სოფელში, ყვარლის რაიონის სოფელ ახალსოფელში გადაასვენეს. ნათესავების ინფორმაციით, ახალგაზრდა ქალბატონი ლაგუნა ვერეს თანამშრომელი იყო.

თელავში მაწანწალა ძაღლების პრობლემა გამწვავდა. მომრავლებული ცხოველები მოსახლეობას უქმნიან პრობლემებს და მოქალაქეებს ქალაქში გადაადგილებაში უშლიან ხელს. 

პრემიერ-მინისტრის ირაკლი ღარიბაშვილის განცხადებით, ყვარელში მეწყერული აქტივობა გეოლოგებმა უკვე შეისწავლეს და მათი დასკვნით ამ ეტაპზე სტიქიური მოვლენების საშიშროება არ არსებობს. 

გაზეთ „კახეთის ხმისა“ და თელავის ახალგაზრდული საბჭოს ინიციატივით თბილისში სტიქიით დაზარალებულთა დასახმარებლად აქცია ჩატარდა. 

გარემოსა და ბუნებრივი რესურსების დაცვის სამინისტროს ინფორმაციით, დურუჯის ხეობაში ჩამოწოლილ მეწყერთან დაკავშირებით საფრთხე არ არსებობს.