ახალი ამბები

დავით ბაქრაძემ შეხვედრაზე ყურადღება საქართველო-ნატოსა და საქართველო-ევროკავშირის ურთიერთობებზე გაამახვილა და სამომავლო პერსპექტივებზე ისაუბრა. მინისტრმა, ასევე, ასოცირების შეთანხმების ხელმოწერის მნიშვნელობასა და რატიფიცირებაზეც ისაუბრა

,,ჩემი ეს გადაწყვეტილება განაპირობა ბოლო დროს გაჟღერებულმა ბრალდებებმა, თითქოს მე ხელს ვაფარებ ზურა ვაზაგაშვილის მკვლელობაში მონაწილე პირებს.  გამოვთქვამ იმედს, რომ უახლოეს მომავალში გამოძიება დასრულდება და ყველაფერს თავისი სახელი დაერქმევა”, – ნათქვამია განცხადებაში.

,,დავით დემინაშვილს არანაირი კავშირი არ აქვს დანაშაულებრივ სამყაროსთან და არჩილ მაისურაძის მკვლელობასთან, მზად არის ნებისმიერ დროს უპასუხოს გამოძიების კითხვებს. მან არაერთხელ გამოთქვა მზადყოფნა მის მიმართ კითხვების არსებობის შემთხვევაში, შეძლებისდაგვარად ამომწურავი განმარტება მიეცა მოკლულის ოჯახის წევრებისთვის და ახლობლებისთვის,” – აცხადებს შოთა დემინაშვილი

,,რეგიონების გაძლიერება საქართველოს ევროინტეგრაციის გზაზე მთავარი და ყველაზე მნიშვნელოვანი გამოწვევაა. აღნიშნულ პროცესებში ყველამ ერთად უნდა მიიღოს მონაწილეობა როგორც ადგილობრივმა, ისე ცენტრალურმა ხელისუფლებამ”, – განუცხადა Knews.ge-ს დავით ბაქრაძემ თელავში სტუმრობისას.

მნიშვნელოვანია, რომ სოფლად მცხოვრებ მოსახლეობას ალტერნატიული დასაქმების საშუალება ჰქონდეს. ჩვენი მიზანია, ხელი შევუწყოთ ადგილობრივი ეკონომიკის განვითარებას. ამჟამად საქართველოს სოფლებში აგრარული სფეროს გარდა მოსახლეობის დასაქმების სხვა საშუალება არ არსებობს.

ქალაქ თელავის მერია იმ კონკურსანტებთან, რომლებმაც ტესტირება გაიარეს და მინიმალური ზღვარი გადალახეს, მომავალ კვირაში გასაუბრებას გეგმავს. ამ დროისთვის, უწყებაში გასაუბრების კონკრეტულ თარიღს ვერ ასახელებენ.

ვალუტის გადამცვლელ ჯიხურებში კომერციული ბანკების მსგავსად, დოლარის შეძენის ფასი 2.0 ლარს გადასცდა.  საქართველოს ეროვნული ბანკის მიერ დადგენილი კურსის თანახმად, დღეს, 23 იანვრს 1 დოლარის შეძენა 1,98 ლარადაა შესაძლებელი. ლარის ოფიციალური გაცვლითი კურსის ცვლილებამ ერთ დღეში 0.0308 ლარი შეადგინა.

ჯანდაცვის სამინისტროს ინიციატივის მიხედვით, შრომით მიგრაციას და მასთან დაკავშირებულ პროცესებს სპეციალური კანონი დაარეგულირებს. არსებული ინფორმაციით, პარლამენტში მთავრობის ინიციატივით შესულია კანონპროექტი სახელწოდებით – “შრომითი მიგრაციის შესახებ”, რომელიც ბიუროს სავარაუდოდ დღეს წარედგინება.

ხვალ, 12:30 საათზე, თელავის მედია კაფეში, ნატოსა და ევროკავშირის შესახებ საინფორმაციო ცენტრის ორგანიზებით, სახელმწიფო მინისტრი ევროპულ და ევრო-ატლანტიკურ სტრუქტურებში ინტეგრაციის საკითხებში, დავით ბაქრაძე შეხვედრას გამართავს.

საქართველოს კულტურისა და ძეგლთა დაცვის სამინისტრო, საქართველოს განათლებისა და მეცნიერების სამინისტროსთან ერთად, იწყებს მასშტაბურ პროექტს სკოლის მოსწავლეებისთვის – „ექსკურსია თეატრებში“. მისი მიზანი სკოლის მოსწავლეების თეატრალური ხელოვნებით დაინტერესებაა.