ახალი ამბები

თელავში 1 საათის წინ მომხდარი მკვლელობის შემდეგ ქალაქის ყველა გასასვლელს და შემოსასვლელს სამართალდამცავები აკონტროლებენ. პოლიცია მკვლელობაში ეჭვმიტანილ პირს ეძებს. 

30 წლის ანდო ბოჭორიშვილი ცეცხლსასროლი იარაღით მიყენებული ჭრილობის შედეგად გარდაიცვალა, მისი ძმა ირაკლი ბოჭორიშვილი კი დაჭრილია. 

სოფლის მეურნეობის პროექტების მართვის სააგენტომ ეკონომიკის სამინისტროს საკუთარ ბალანსზე არსებული ღვინის ქარხნები „აკურა“ და „გრუზვინპრომი“ უკვე გადასცა და საპრივატიზაციოდ გამოიტანა. დანარჩენი საწარმოების გადაცემის სამუშაოები კი ამ ეტაპზე მიმდინარეობს.

სოფლის მეურნეობის სამინისტროს სსიპ სურსათის ეროვნული სააგენტო თბილისსა და საქართველოს რეგიონებში, მუნიციპალურის შემდეგ, კერძო საბავშვო ბაგა-ბაღების კვების ბლოკების შემოწმებას იწყებს. 

ეროვნული ვალუტა ევროსთან მიმართებაში გამყარდა. კერძოდ, 10 მარტიდან 1 ევროს შეძენა 2.3685 ლარად იქნება შესაძლებელი

გურჯაანში „სოფლის მხარდაჭერის პროგრამის“ფარგლებში 1 095 561ლარი დაიხარჯება. აღნიშნული პროგრამის ფარგლებში განსახორცილებელი პროექტების გამოვლენის მიზნით მოსალეობასთან დაიწყო შეხვედრები, რომელსაც გამგებელი და ადგილობრივი თვითმმართველობის სხვა წევრები ესწრებოდნენ. 

ემორის უნივერსიტეტის კურსდამთავრებული თეონა ტაველიშვილი საგარეჯოს მუნიციპალიტეტის გამგეობიდან გაათავისუფლეს. მისი თქმით, მან ემორის უნივერსიტეტის სამართლის სკოლის მაგისტრის წოდება ამერიკაში მიიღო, საგარეჯოში დაბრუნებულმა კი მუშაობა ადგილობრივ მუნიციპალიტეტში გააგრძელა, თუმცა ახლა სამსახურიდან გაათავისუფლეს და უმუშევრად დარჩენელი 7 თვის ორსული ისევ ამერიკაში წავიდა.

თელავის მერია გასაუბრების შედეგებს დღის ბოლოს გამოაქვეყნებს. როგორც მერიის საკონკურსო-საატესტაციო მუდმივმოქმედი კომისიის თავმჯდომარე, არჩილ თხლაშიძე აცხადებს, კომისიის წევრები ამ დრომდე მუშაობენ, რის შემდეგაც საბოლოო შედეგები გახდება ცნობილი.

დღეს შეფასებისა და გამოცდების ეროვნული ცენტრი საგნობრივი გამოცდებისთვის პედაგოგთა რეგისტრაციის პროცესს იწყებს. რეგისტრაცია დილის 10:00 საათიდან, დაიწო და 25 მარტს, 18:00 საათზე დასრულდება. 

თელავის სახელმწიფო უნივერსიტეტში, „საქართველოს ახალგაზრდა გეოგრაფთა ასოციაციის“ წარმომადგენლებმა გარემოს დაცვის შესახებ გამართეს შეხვედრა, რომელსაც საჯარო სკოლების მოსწავლეები ესწრებოდნენ.