ახალი ამბები

სიღნაღში მოქალაქემ პოლიციას არარეგისტრირებული ცეცხლსასროლი იარაღი და საბრძოლო მასალა ჩააბარა. ინფორმაციას შინაგან საქმეთა სამინისტრო ავრცელებს. 

რეგიონული პროექტი ,,ქალები ბიზნესში” 50 მილიონი ევროთი დაფინანსდება, რასაც თან ერთვის 9 მილიონიანი საგრანტო დაფინანსება ევროკავშირიდან, რომელიც რისკების შემცირების ფინანსურ მხარდაჭერას და ქალი მეწარმეებისთვის ტრენინგებს გულისხმობს.

თელავში, ხვალ, ახალგაზრდული ფესტივალი – „თელავის ახალგაზრდული ფესტივალი“ გაიმართება. ღონისძიებაში მონაწილეობას 1000-მდე ახალგაზრდა მიიღებს. დღის მანძილზე გაიმართება სპორტული და კულტურული ღონისძიებები, მათ შორის: ქუჩის კალათბურთი, ფეხბურთი, ჭიდაობა, მკლავჭიდი, მხიარული სტარტები და სხვა.

ყვარლის მუნიციპალიტეტის სოფელ ჭიკაანის მოსახლეობა სოფლის საძოვრის გასხვისებას აპროტესტებს. მოსახლეობის ერთი ნაწილი დღეს ყვარლის გამგეობასთან შეიკრიბა და საპროტესტო აქვია გამართა. 

,,აწარმოე საქართველოში” პროგრამის ფარგლებში, გურჯაანის მუნიციპალიტეტში სამაცივრე მეურნეობა შეიქმნება. ეკონომიკის სამინისტროს ინფორმაციით, მთავრობის დღევანდელ სხდომაზე, სახელმწიფო პროგრამის “აწარმოე საქართველოში” ფარგლებში, დამტკიცდა განკარგულების პროექტი “სახელმწიფო საკუთრებაში არსებული უძრავი ქონების შპს “წალკა აგროსათვის” პირდაპირი მიყიდვის ფორმით პრივატიზების შესახებ”, რომლის მიხედვით შპს “წალკა აგროს” სიმბოლურ ფასად, 1 ლარად საკუთრებაში ქ. გურჯაანში, სარაჯიშვილის ქუჩაზე მდებარე 32 595.00 კვ.მ არასასოფლო-სამეურნეო დანიშნულების მიწის ნაკვეთი (ქონების საბაზრო ღირებულება 180 000 ლარია) გადაეცა.

სოფლის მეურნეობის მინისტრის ოთარ დანელიას განცხადებით, ინიციატივა, რომელიც ითვალისწინებს საგადასახადო შეღავათების დაწესებას იმ პირებისთვის, რომლებიც მიწას ამუშავებენ, საგადასახადო შეღავათებით ისარგებლებენ.

ვაზიანი-გომბორი-თელავის საავტომობილო გზის გარკვეული მონაკვეთები მწყობრიდან არის გამოსული. იქ სადაც მეწყერის ზონებია და ასფალტი იყო დაგებული, საფარი ადგილებიდან არის მოწყვეტილი.

ლაგოდეხსა და ახმეტაში სტიქიამ რამდენიმე სოფელი დააზარალა. ძლიერმა წვიმამ ათეულობით საცხოვრებელი სახლის პირველი სართულები და სარდაფები დატბორა.

24 მაისს ახმეტის მუნიციპალიტეტის სოფელ ჭართალაში, ილტოს ხეობაში, გაიმართება პოეზიის ფესტივალი “ლექსობა-კაფიაობა ილტოს პირას”. 

სიღნაღის მუნიციპალიტეტში პოლიკლინიკა გაიხსნა. ფინანსური ხარჯები ადგილობრივი მუნიციპალიტეტის გამგეობის ბიუჯეტიდან გამოიყო.