ახალი ამბები

ლაგოდეხის მუნიციპალიტეტში, აფენის თემში მოხუცებულთა სოციალური რეაბილიტაციის ცენტრი გაიხსნება. პროექტის, ,,მოხუცებულთა სოციალური რეაბილიტაციის ცენტრის მოწყობა”, ფინანსური მხარდამჭერია გერმანიის ფედერაციული რესპუბლიკის საელჩო, რომელსაც ახორციელებს საქართველოს სამოქალაქო განვითარების ასოციაცია. 

გურჯაანის შშმ პირთა დღის ცენტრის „Life Line“-ის ბენეფიციარები ტურნირში „ქალთა ინტეგრირებული ტურნირი „თანადგომა 2015 “ -ში მიიღებენ მონაწილეობას. ტურნირი 21 ივლისს დაიწყება და 15 აგვისტოს დასრულდება. სპორტული ღონისძიება თბილისში გაიმართება.

21 ივლისს ქალაქ გურჯაანს ენერგომომარაგება დროებით შეეზღუდება. როგორც სს ,,კახეთის ენერგოდისტრიბუციაში” აცხადებენ, დენის გათიშვის მიზეზი სს,,საქართელოს სახელმწიფო ელექტროსისტემის” მიერ ქ/ს ,,გურჯაანი-220″-ში პროფილაქტიკური სამუშაობია. 

27 ივლისიდან 2 კვირის განმავლობაში, მსურველებს C ჰეპატიტზე გამოკვლევები უფასოდ ჩაუტარდებათ, – ამის შესახებ დღეს შრომის, ჯანმრთელობის და სოციალური დაცვის სამინისტროში გამართულ ბრიფინგზე მინისტრმა დავით სერგეენკომ განაცხადა. 

კახეთის რეგიონში დაიწყო საპილოტე პროექტი სახელწოდებით „ინტერნეტი ყველა სოფლის ბიბლიოთეკას”. პროექტის ფარგლებში დაგეგმილია კახეთის რეგიონში რეგისტრირებული სოფლის ბიბლიოთეკების კომპიუტერული ტექნიკითა და ინტერნეტით უზრუნველყოფა. 

დედოფლისწყაროს მუნიციპალიტეტში მესაქონლეობის დარგის განვითარებაზე შეხვედრა გაიმართა. შეხვედრას ესწრებოდნენ არასამთავრობო ორგანიზაცია „MOLI კახეთისა“ და ადგილობრივი ხელისუფლების წარმომადგენლები და ბიზნესმენები.

ახმეტის მუნიციპალიტეტის გამგეობაში 6 ვაკანტურ თანამდებობაზე თანამშრომლების შესარჩევად კონკურსი გამოცხადდა. კონკურსში მონწაილეობის მსურველებს რეგისტრაციის გავლა საჯარო სამსახურის ბიუროს ვებ გვერდზე www.hr.gov.ge 24 ივლისამდე შეუძლიათ.

დღეს სამოქალაქო განათლებაში აბიტურიენტები გამოცდას პირველად ჩააბარებენ. ცხრამეტივე საგამოცდო ცენტრში გამოცდა დილის 9:00 საათზე დაიწყო. ახალგაზრდებს ტესტის შესასრულებლად სამი საათი აქვთ. 

თელავში საპატრულო ეკიპაჟი 14 წლის მოზარდს შეეჯახა. თვვითმხილველების განცხადებით, დარტყმა იმდენად ძლიერი აღმოჩნდა, რომ ბავშვი რამდენიმე მეტრზე გადავარდა.

საქართველოს ენერგეტიკისა და წყალმომარაგების მარეგულირებელი ეროვნული კომისიის გადაწყვეტილებით, საყოფაცხოვრებო მომხმარებლებისთვის წყლის ინდივიდუალური მრიცხველების დამონტაჟების წესი შეიცვალა.