ახალი ამბები

ამ წუთებში ყვარლის მუნიციპალიტეტის გამგეობაში მდინარე დურუჯის სათავეში ჩამოწოლილი მეწყერის შესახებ საგანგებო სხდომა მიმდინარეობს. 

მეწყერი ჩამოწვა კახეთშიც. არსებული ინფორმაციით მიწის დიდი მასა მდინარე დურუჯის სათავეში ჩამოწვა. არსებობს საფრთხე, რომ მიწის მასამ მდინარის კალაპოტი ჩახერგოს, რაც ყვარლის მუნიციპალიტეტს საფრთხეს უქმნის.

პანკისის ხეობაში წუხანდელი სპეცოპერაციის დროს დაკავებული ქისტები გაათავისუფლეს. მათ შორის “ისლამური სახელმწიფოს” ერთ-ერთი ლიდერის, თარხან ბათირაშვილის იგივე ალ-შიშანის ბიძაშვილი მერაბ ცათიაშვილი. 

პანკისის ხეობაში ჩატარებული სპეცოპერაციის შედეგად რამდენიმე ადგილობრივი დააკავეს. არსებული ინფორმაციით, დაკავებები სირიის თემას უკავშირდება.

ერთ-ერთი დაკავებული სირიაში მებრძოლი თარხან ბათირაშვილის ბიძაშვილია.

თელავის ახალგაზრდული საბჭო და გაზეთი „კახეთის ხმა“ თბილისში სტიქიით დაზარალებულთა დასახმარებლად აქტიურ მობილიზაციას იწყებენ.  ხვალ დილის 12 საათიდან თელავის „მედია კაფეში“ დაზარალებულთა დასახმარებლად სპეციალური საკოორდინაციო შეხვედრა გაიმართება, რომელშიც მონაწლეობას ადგილობრივი სამოქლაქო ორგანიზაციებისა და  მედიის წარმომადგენლები მიიღებენ. ინიციატივის მიზანია პირველადი ნივთების შეგროვება. 

ლაგოდეხის რაიონის სოფელ ლელიანში მომხდარ მკვლელობაში ბრალდებული დაკავებულია. შსს-ის ინფორმაციით, 1947 წელს დაბადებული ივანე ყ. დამამძიმებელ გარემოებაში ჩადენილი განზრახ მკვლელობის მცდელობის ბრალდებით სამართალდამცველებმა ცხელ კვალზე დააკავეს.

2012 – 2014 წლებში კახეთის მუნიციპალიტეტებში 6 600 000 ლარი გაიცა. 2012 წელს – 170 ათასი ლარი, 2013 წელს – 2,6 მილიონი ლარი, 2014 წელს კი 2,2 მილიონი ლარი. 

ახმეტის მუნიციპალიტეტში მცხოვრებ მევენახეებს, რომლებსაც სეტყვამ დაზღვეული მოსავალი გაუნადგურა, ზარალს სადაზღვევო კომპანია “ჯი პი აი ჰოლდინგი” აუნაზღაურებს.

კრწანისის სასწავლო ცენტრში გარდაცვლილი სამხედროს ოჯახი თვითმკვლელობის ვერსიას გამორიცხავს. გარდაცვლილი გივი კირკიტაძის და და ბიძა ამბობენ, რომ ახალგაზრდას თვითმკვლელობის მიზეზი არ ჰქონდა და სამხედროს მკვლელობის ვერსიას განიხილავენ. 

საქართველოს პრემიერ მინისტრმა ირაკლი ღარიბაშვილის დავალებით შესაბამისი უწყებები შეისწავლიან 2014 წელს გვალვით დაზარალებული კახელი ფერმერების საკითხს, რომლებმაც მიწის გადასახადი ვერ გადაიხადეს და ქონებას უყიდიან.