ახალი ამბები

„კონსტიტუციაში ჩანაწერი უნდა იყოს მარტივი და გასაგები, რომ საქართველოს მიწა ეკუთვნის საქართველოს მოქალაქეებს“, – განაცხადა საქართველოს საპარლამენტო უმრავლესობის ერთ–ერთმა წევრმა დიმიტრი ხუნდაძემ.

მისივე თქმით, სანამ ხელისუფლება ქართული მიწის დასაცავად გადაწყვეტილებას მიიღებს, შესაძლოა დასაცავი მნიშვნელოვნად შემცირდეს. 

საგარეჯოში თოხლიაურისა და ანთოკის ხევების ადიდების შედეგად რესტორან „ფაცხების” მიმდებარე ტერიტორია დაიტბორა. 

თელავის მუნიციპალიტეტის სოფელ რუისპირში კახური სოფელი შენდება.

იდეის ავტორის, გიორგი ალადაშვილის განცხადებით, აგროტურისტული ცენტრი გააერთიანებს ხილის ჩირის საშრობს, წისქვილს, კახურ მარანს, ღვინის სადეგუსტაციო ოთახს და სხვა მცირე მეურნეობებს.

ტურისტებით დატვირთულ ადგილებში კვების ობიექტების სახელმწიფო კონტროლი მკაცრდება.

სურსათის ეროვნული სააგენტოსა და ტურიზმის ეროვნული ადმინისტრაციის ერთობლივი გადაწყვეტილებით, კონტროლი განხორციელდება როგორც სასტუმროებში, ისე რესტორნებსა და სწრაფი კვების ობიექტებში.

ბაჰრეინში პირველ ეტაპზე 1 250 სული ქართული ცხვრის გაყვანა იგეგმება. 

ანტი-სტიგმა საკომუნიკაციო კამპანია #დაინახეყველაფერი პრეზენტაციას თელავში გამართავს. 

რეგიონული განვითარების სამინისტროსა და პარლამენტის რეგიონული პოლიტიკისა და თვითმმართველობის კომიტეტის წევრებს პარლამენტში არასამთავრობო ორგანიზაციების წარმომადგენლებს 5 ივნისს შეხვდებიან. 

„სახელმწიფო პროექტის ფარგლებში შესრულებული საკადასტრო აზომვითი სამუშაოების საფასურის ანაზღაურების წესში“ შესული ცვლილებით, დაინტერესებულ პირთა მიერ რეესტრში განაცხადის წარდგენის ვადად არაუგვიანეს 31 დეკემბერი განისაზღვრა. მაშინ როცა, წინა რედაქციით, რეესტრში განაცხადის წარდგენის ვადად მიმდინარე წლის 30 ივნისი იყო მითითებული. 

გურჯაანის რაიონის სოფელ შაშიანში ორი არასრულწლოვანი ძმა დაჭრეს.

გავრცელებული ინფორმაციით, 15 და 17 წლის ძმებსა და დაჭრაში ბრალდებულ 22 წლის მამაკაცს შორის მოხდა შელაპარაკება, რომელიც ფიზიკურ დაპირისპირებაში გადაიზარდა.

ღვინის მწარმოებელი კომპანია ,,თელავის ღვინის მარანის” დამფუძნებელი და დირექტორი ზურაბ რამაზაშვილი ბურგუნდიული ღვინის რაინდად აირჩიეს.