ახალი ამბები

ყვარლის მუნიციპალიტეტის გამგეობა 31 ათას ლარად ღირებულ მიკროავტობუსს შეიძენს. გამგეობაში აცხადებენ, რომ მიკროავტობუსი სპორტული და კულტურული ღონისძიებებისთვის სჭირდებათ, რათა მონაწილეებმა გადაადგილება შეძლონ.

ჩეხეთში ქართული ღვინის დეგუსტაცია გაიმართა. ჩეხეთის რესპუბლიკაში საქართველოს საგანგებო და სრულუფლებიანმა ელჩმა ზაალ გოგსაძემ, შეხვერაზე ქართული ღვინის ისტორიისა და თავისებურებების შესახებ ისაუბრა. 

პანკისის ხეობის მაცხოვრებლები ხელისუფლებისაგან ჩეჩნეთთან და ინგუშეთთან სავიზო რეჟიმის გამარტივებას ან გაუქმებას ითხოვენ. პანკისის უხუცესთა საბჭოს წევრების განცხადებით, მათ სურთ, რომ ჩეჩნეთსა და ინგუშეთში მყოფ ნათესავებთან თასვისუფალი მიმოსვლის შესაძლებლობა ჰქონდეთ. 

საქართველოს სახალხო დამცველი, გურჯაანში მომხდარ ინციდენტებს ეხმაურება. უჩა ნანუაშვილი გმობს ძალადობის ყოველგვარ გამოვლინებას და მოუწოდებს შესაბამის ორგანოებს, გამოიყენონ მათ ხელთ არსებული ყველა ზომა, რათა ადეკვატურად შეფასდეს მომხდარი, გამოვლინდეს ყველა პასუხისმგებელი პირი და მათ მიმართ სათანადო სამართლებრივი შედეგები დადგეს.

დღეიდან კახეთის რეგიონში გამოიდარებს. გარემოს ეროვნული სააგენტოს მონიტორინგისა და პროგნოზირების ცენტრის ინფორმაციით, დღეიდან 30 აპრილამდე აღმოსავლეთ საქართველოში უნალექო ამინდი იქნება: აღმოსავლეთ საქართველოში, დღეს +14 +19, ღამე 0 +5 გრადუსი იქნება. 

ავტოავარიამ, რომელიც ხაშურის მუნიციპალიტეტის სოფელ ოსიაურთან მოხდა, გურჯაანში მცხოვრები ოჯახის 3 წევრი, ცოლ-ქმარი გივი და მზია პიტიურაშვილები და მათი ქალიშვილი 38 წლის თეა შეიწირა. 

დღეს საქართველოს პრემიერ-მინისტრი, ირაკლი ღარიბაშვილი კიდევ ერთხელ გამოეხმაურა გურჯაანის მუნიციპალიტეტის გამგეობაში მომხდარ ინციდენტებს და მუნიციპალიტეტში განვითარებულ მოვლენებს „ნაციონალური მოძრაობის“ მიერ დადგმული სპექტაკლი უწოდა. 

თელავის მედია კაფეში გაიმართა პირველი რეგიონული გაზეთის – ,,ხმა კახეთისას” გამოფენა, რომელსაც არასამთავრობო ორგანიზაციების, საგანმანათლებლო დაწესებულებების, ადგილობრივი თვითმმართველობის წარმომადგენლები და დაინტერესებული პირები ესწრებოდნენ. 

ქალაქ გურჯაანში მომხდარ ინციდენტთან დაკავშირებით გამოძიება დაიწყო. შინაგან საქმეთა მინისტრის ვახტანგ გომელაურის განცხადებით, გამოძიება მიმდინარეობს და თუ გამოიკვეთება დამნაშავე, კანონის შესაბამისად დაისჯება. 

არასამთავრობო ორგანიზაცია „ქალები სამართლიანობისათვის“ აქტიურ პოლიტიკაში ქალთა გააქტირების მიზნით კახეთში კამპანიას დაიწყო. 
კახეთის რვავე მუნიციპალიტეტის წარმომადგენლობით ორგანოებში ქალები ძალიან მცირე რაოდენობით არიან წარმოდგენილები.