ახალი ამბები

თელავის სახელმწიფო უნივერსიტეტში არსებულ 21 საბაკალავრო პროგრამაზე 224 აბიტურიენტი ჩაირიცხა. ყველაზე მეტი, 55 აბიტურიენტი, ისტორიის საბაკალავრო პროგრამის სტუდენტი გახდა. 

ალავერდის მონასტერი ქვევრის ღვინის საერთასორის სიმპოზიუმს მესამედ მასპინძლობს. სიმპოზიუმში მონაწილეობენ საქართველოს, აშშ-ს, კანადის, დიდი ბრიტანეთის, იტალიის და სხვა ქვეყნების მეცნიერები, ღვინის ექსპერტები, მაგისტრები, სომელიები და ჟურნალისტები. მათ შესაძლებლობა აქვთ, ერთმანეთს გაუზიარონ გამოცდილება და შეხედულებები ქვევრის ღვინის, ღვინისა და კულინარიის დარგში მიმდინარე ტენდენციებისა და გამოწვევების შესახებ. 

სიღნაღის რაიონში შესაძლოა წელს მევენახეებმა ყურძნის დაკრეფაზე უარი თქვან და ვაზი გაჩეხონ. ისინი სახელმწიფო სუბსიდიის ჩათვლით ყურძნის დაბალ ფასს აპროტესტებენ. 

არასამთავრობო ორგანიზაცია კომპიუტერის ცოდნის გამავრცელებული საზოგადოების მიერ თელავში ცოდნის ცენტრი ჩამოყალიბდება. ცენტრის დამფუძნებლის ლიკა ნაზღაიძის განცხადებით, დაწყებითი კლასის მოსაწვლეებისათვის ფუნქციონირებას დაიწყებს გახანგრძლივებული ჯგუფები, რომელიც 9:00 სთ-დან 18:30 სთ-მდე იმუშავებს.

გურჯაანში ავტოსაგზაო შემთხვევა მოხდა. Knews.ge-ს შინაგან საქმეთა სამინისტროში განუცხადეს, რომ ველისციხე-ახაშნის საავტომობილო გზაზე ერთმანეთს შეეჯახა „რენაუტისა“ და „ოპელ ვექტრას“ მარკის ავტომანქანები, რის შედეგადაც 6 ადამიანი დაშავდა. 

დღეისათვის ,,რთველი 2015“-ის საკოორდინაციო შტაბში 48 ღვინის კომპანიაა დარეგისტრირებული. რთველის შტაბის ხელმძღვანელის, გიორგი სამანიშვილის ინფორმაციით, ამ ეტაპზე ყურძენს საკუთარ ვენახებში ღვინის კომპანიები კრეფენ.

თელავის მოსახლეობა სასმელი წყლის მიწოდებას ითხოვს. თელაველები ამბობენ, რომ წყალი სამ დღეში ერთხელ რამდენიმე საათით მიეწოდებათ, რის გამოც წყლის საკმარის მარაგს ვერ იღებენ. ისინი დახმარებას ადგილობრივ ხელისიფლებას სთხოვენ. 

თელავის სახელმწიფო უნივერსიტეტში საერთაშორისო ,,ზაფხულის სკოლის“ ფარგლებში საჯარო ლექციების ციკლი დასრულდა. ფინალურ სამუშაო შეხვედრაში მონაწილეობა, ქართველ და უცხოელ სტუდენტებთან ერთად, საფრანგეთის უნივერსიტეტის- ,,Paris 8“-ის- პროფესორებმა მიიღეს. შეხვედრაზე სახელმწიფო და კერძო უნივერსიტეტების ცხოვრებაზე, ეთნიკური, რელიგიური და სექსუალური თანასწორობის პრინციპებზე, პროფესორებისა და სტუდენტების ურთიერთობის საკითხებსა და ცოდნის მნიშვნელობაზე იმსჯელეს.

საქართველოს ყოფილი  საგარეო საქმეთა მინისტრი და პაოლიტიკური მოღვაწე სალომე ზურაბიშვილი რთველის სუბსიდირების სახელმწიფო პროგრამას კომუნისტურ გადმონაშთს უწოდებს. ის სახელმწოფოს მოუწოდებს გლეხები პირველადი სესსხებით, შემოსავალის დაზღვევის დაფინანსებით წაახალისოს.

საგარეჯოში პარლამენტის შუალედური არჩევნები ოქტომბერში გაიმართება, არჩევნებმა თავდაცვის მინისტრის, თინათინ ხიდაშელის შემცვლელი უნდა გამოავლინოს. ახალგაზრდა  იურისტი თამარ ხიდაშელი საგარეჯოს მაჟორიტარი დეპუტატობის კანდიდატად პრემიერმა წარადგინა.