ახალი ამბები

თვითმმართველი თემის საკრებულო და გამგეობა ვაკანსიას დამატებით 7 პოზიციაზე აცხადებს. კონკურსში მონაწილეობის მიღება შეუძლია ყველა დაინტერესებულ პირს, რომლებიც რეგისტრაციას წარმატებით გაივლიან საჯარო სამსახურის ბიუროს ვებ გვერდზე www.hr.gov.ge

„გურჯაანის ნაყინმა“ ახალი სეზონისთვის ორი დასახელების ახალი ნაყინი გამოუშვა. კომპანიის დირექტორის, გურამ ბერიკაშვილის განცხადებით, ახალი პროდუქციის წარმოება გასულ კვირას დაიწყო.

გურჯაანის მუნიციპალიტეტის სოფელ ზეგაანში, რეაბილიტირებული დაწყებითი საჯარო სკოლა გაიხსნა. საგანმანათლებლო დაწესებულება საქართველოს განათლებისა და მეცნიერების მინისტრმა თამარ სანიკიძემ დაათვალიერა და პედაგოგებსა და მოსწავლეებს შეხვდა.

არამდგრადი ამინდები რეგიონის ტერიტორიაზე 4 აპრილის ჩათვლით შენარჩუნდება.

საზოგადოებას დაუბეგრავი მინიმუმის დაბრუნება პირველი აპრილიდან შეეძლებათ. დეკლარაციის შევსება პირველი აპრილიდან დაიწყება და დაუბეგრავი მინიმუმი სამი თვის ვადაში ჩაირიცხება.

თინიკო ხანჯალიაშვილი: მუშაობს `კახეთის სამოქლა­ქო ლიგაში“, არის რამდენიმე საერთაშორისო ორგანი­ზაციის კონსულტანტი, წარ­მოადგენს მცირე ბიზნესს. ჰყავს მეუღლე და ვაჟიშვილი. 

წუხელ გვიან ღამით, სოფელ ლელიანში მომხდარი ჩხუბის დროს 28 წლის ახალგაზრდა, ზურაბ სამხარაძე გარდაიცვალა. ადგილობრივების თქმით, სოფლის ახალგაზრდებს შორის ფიზიკური ანგარიშსწორება სიტყვიერ დაპირისპირებას მოყვა. ჩხუბში 50-მდე ადამიანი მონაწილეობდა. 

სიღნაღის მუნიციპალიტეტის სოფელ ძველ ანაგაში 11 წლის მოზარდმა თავი ჩამოიხრჩო. გარდაცვლილის ახლობლების თქმით, მოზარდი სკოლიდან დაბრუნების შემდეგ გაუჩინარდა. რამდენიმესაათიანი ძებნის შემდეგ ძმამ და ბებიამ ბიჭი სახლის მიმდებარე სათავსოში ჩამომხრჩვალი იპოვეს.

შინაგან საქმეთა სამინისტროს მონაცემებით, გასული წლის პირველი 6 თვის განმავლობაში ავტოსაგზაო შემთხვევების შედეგად საქართველოში დაიღუპა 180 ადამიანი და დაშავდა 3600-ზე მეტი.  „მსოფლიო ბანკმა“ დააფინანსა საპილოტე პროექტი, რომელიც კახეთის რეგიონში საგზაო უსაფრთხოების ცოდნის ამაღლებას ისახავს მიზნად.

სამუშაო ჯგუფმა, რომელსაც ქალთა საინფორმაციო ცენტრი ხელმძღვანელობს, გენდერული თანასწორობის კანონში შესატანი საკანონმდებლო ცვლილების პაკეტი შეიმუშავა. ცვლილებები თვითმმართველობებში გენდერული თანასწორობის საბჭოს შექმნას გულისხმობს, რაც ადგილობრივი თვითმმართველობების ჩართულობას გააძლიერებს.