ახალი ამბები

თელავში პარლამენტის აგრარულ საკითხთა კომიტეტმა გასვლითი სხდომა გამართება. კომიტეტის წევრებმა კახეთის ადგილობრივ თვითმმართველობების წარმომადგენლებისა და ფერმერებისაგან რეგიონში სოფლის მეურნეობის სფეროში არსებული მდგომარეობისა და პრობლემების შესახებ ინფორმაცია მოისმინეს.

თვითმმართველ თემში უკანონო ნაგავსაყრელებიდან ნაგვის გატანის პროცესი მიმდინარეობს. 

მართლმადიდებელი ეკლესია დღეს წმინდა ნიკოლოზის წმინდა ნაწილების ამოყვანების დღეს აღნიშნავს. ამასთან დაკავშირებით ტაძრებში სადღესასწაულო ლიტურგია ჩატარდება. 

გომბორის უღელტეხილზე მომხდარი ავტოავარიის შედეგად ორი ადამიანი გარდაიცვალა და ერთი მძიმედ დაშავდა. შემთხვევა სოფელ უჯარმის მიმდებარედ მოხდა.

თელავში პარლამენტის აგრარულ საკითხთა კომიტეტის გასვლითი სხდომა გაიმართება. სხდომას, კომიტეტის წევრებთან ერთად, კახეთის გუბერნატორი ირაკლი შიოლაშვილი, მუნიციპალიტეტის ხელმღღვანელი პირები და ფერმერები დაესწრებიან.

დღეს, მე-12 კლასის მოსწავლეებისთვის გამოსაშვები გამოცდები დაიწყო. გამოცდების ეროვნულ ცენტრში აცხადებენ, რომ მე-12 კლასის მოსწავლეები გამოცდას 4 საგანში – ქართული, ისტორია, უცხო ენა, მათემატიკა ჩააბარებენ. 

ლაგოდეხის დაცულ ტერიტორიებზე №04 ტურისტული ბილიკი „შავი კლდეების ტბა“ გაიხსნა. ნაკრძალის ადმინისტრაციის ინფორმაციით, ბილიკის საშუალებით შესაძლებელია ზღვის დონიდან 2000 მეტრზე მდებარე „მეტეოს“ ტურისტულ თავშესაფრში ასვლა.

დედოფლისწყაროს მუნიციპალიტეტის საკრებულოს გადაწყვეტილებით, ჰემოდიალიზზე მყოფი მოქალაქეები ყოველთვიურად ას ლარს მიიღებენ. 

შსს-მ არარეგისტრირებული ავტომატური ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით წნორში ერთი პირი დააკავა. 

გურჯაანის მუნიციპალიტეტის სოფელ ბაკურციხეში მომხდარი ქურდობა გახსნილია. შსს-ს ინფორმაციით, კახეთის სამხარეო მთავარი სამმართველოს გურჯაანის რაიონული სამმართველოს თანამშრომლებმა, ჩატარებული ოპერატიული და საგამოძიებო ღონისძიებების შედეგად, 1992 წელს დაბადებული ილია ტ. ქურდობის ბრალდებით ცხელ კვალზე, მომხდარი დანაშაულიდან რამდენიმე საათში, გურჯაანის რაიონის სოფელ ბაკურციხეში დააკავეს.