ახალი ამბები

,,ევროკავშირის სამეზობლო პროგრამა სოფლის მეურნეობისა და სოფლის განვითარებისთვის“ (ENPARD) და მისი პარტნიორი ორგანიზაცია “მერსი ქორფსი” კოოპერატივებისთვის ბიზნესის განვითარების პროგრამას იწყებს. აღნიშნული პროგრამა სასოფლო სამეურნეო კოოპერატივებისთვის ბიზნესის განვითარების მხარდაჭერას ითვალისწინებს.

კახელი გლეხები წელს რეგიონში ყურძნის რეკორდულ მოსავალს ელიან. გლეხები აცხადებენ, რომ უხვმოსავლიანობას ამინდმა შეუწყო ხელი. 

მიმდინარე წელს გურჯაანის საავადმყოფოს ქვეწარმავალის ნაკბენით სამმა პაციენტმა მიმართა. გურჯაანის საზოგადოებრივი ჯანდაცვის სამსახურის ეპიდემიოლოგის, მარიამ კაპანაძის განცხადებით, სამივე პაციენტს დროულად ჩაუტარდა სპეციალური მკურნალობა და მათ სიცოცხლეს საფრთხე არ ემუქრება.

დღეიდან პედაგოგთა გამოცდები იწყება. პირველ გამოცდაზე ფიზიკის (VII-XII); ბიოლოგიის (VII-XII); სამოქალაქო განათლებისა (VII-XII) და სახვითი და გამოყენებითი ხელოვნების პედაგოგები გადიან. 

არასამთავრობო ორგანიზაცია „რადარამიმ“ გურჯაანის საჯარო ბიბლიოთეკის სამკითხველო დარბაზში, ჰედერ როჯერსის წიგნის „ხვალამდე გაქრებას“ პრეზენტაცია გამართა. 

16 ივლისს, 12 საათზე, გურჯაანში, სამართლიანი არჩევნების ოფისში, პოტენციური მიგრანტებისთვის საინფორმაციო შეხვედრა ჩატარდება. შეხვედრის მიზანია საქართველოში დაბრუნებული მიგრანტების ინფორმირება, თუ როგორ მიიღონ გრძელვადიანი სარგებელი რეინტეგრაციის ხელშეწყობის კომპონენტის ფარგლებში. 

ლაგოდეხში 30 წლამდე ქალის გვამი იპოვნეს. გარდაცვლილი სოფელ დავითიანის სასოფლო -სამეურნეო ნაკვეთების ტერიტორიაზე მისივე ოჯახის წევრებმა აღმოაჩინეს.

ანსამბლმა “შვიდკაცამ” თელავის ვაჟა-ფშაველას სახელობის სახელმწიფო თეატრში საქველმოქმედო კონცერტი ჩაატარა. ღონისძიებიდან შემოსული თანხა 13 ივლისს თბილისში მომხდარი სტიქიის შედეგად დაზარალებულ ოჯახებს გადაეცემათ. 

ლაგოდეხის მუნიციპალიტეტში საჯარო მოხელეთა ატესტაციის მეორე ეტაპი (გასაუბრება) გაიმართება. გასაუბრება, 15-16 ივლისს, ლაგოდეხის მუნიციპალიტეტის გამგეობის შენობაში ჩატარდება. 

თელავის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტს კომპანია „ჰუმან დიაგნოსტიკ ჯორჯიამ“ ლაბორატორიული აღჭურვილობა გადასცა.