ახალი ამბები

დღეს 11:00 -დან 17:00 სთ-მდე, საგარეჯოს მუნიციპალიტეტის სოფლებს: ყანდაურას, კაკაბეთს, თოხლიაურს,მანავს, ჩაილურს, ვერხვიანს და ბადიაურის ნაწილს, ელექტროენერგიის მიწოდება დროებით შეუწყდება.

რესპუბლიკური პარტიის წევრი ლევან ბერძენიშვილი კვოტირების შესახებ. 

იმისათვის, რომ  მეტი ქალბატონი იყოს პარლამენტში წარმოდგენილი,  საკითხის გადაწყვეტის რამდენიმე გზა არსებობს. ერთ-ერთი გზა საქართველომ უკვე გამოიყენა. 30%-ით გაიზარდა იმ პარტიების დაფინანსება, რომლებიც  ხელს უწყობენ პარტიულ სიაში ქალთა მონაწილეობას, მაგრამ ეს არ აღმოჩნდა საკმარისი. 

ხვალ, 15 აპრილს, პრემიერ მინისტრი ირაკლი ღარიბაშვილი კახეთში შეხვედრებს გამართავს. შეხვედრას დაესწრებიან ეკონომიკისა და თავდაცვის მინისტრები, ასევე კომპანია “დელტას” წარმომადგენლები.

კახეთში 6 წლის ბავშვის შესაძლო გაუპატიურების ფაქტს სამართალდამცველები სწავლობენ. ბავშვის დედა ირწმუნება, რომ მის შვილზე მეზობლად მცხოვრებმა 15 და 18 წლის ძმებმა იძალადეს, რაც მოზარდმა მშობელს თავად გაუმხილა.

აღმოსავლეთ საქართველოში, კახეთის რეგიონში, 14-18 აპრილს თბილი და უნალექო ამინდი იქნება. 
გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოლოგიური სამსახურის ინფორმაციით, ხვალ კახეთში ზოგ რაიონში იწვიმებს და მოსალოდნელია ქარი, რომლის სიჩქარე წამში 17-22 მეტრი იქნება.

ლაგოდეხის მუნიციპალიტეტის სოფელ ჭიაურში სამეურნეო პროდუქტების მაღაზია გაქურდეს. მოპარულია ამერიკული ჯიშის 10 ტომარა სათესლე სიმინდი და 1000 ლარამდე თანხა.

საქართველოს რეგიონული განვითარების და ინფრასტრუქტურის სამინისტრო მუნიციპალური განვითარების ფონდთან ერთად თელავის მუნიციპალიტეტის სოფელ ვარდისუბანში სამშენებლო მასალებისგან ტერიტორიის გაწმენდის პროექტს ახორციელებს.

მაღალმთიან რეგიონებში დაქორწინება შესაძლოა წახალისდეს. დემოგრაფიული აღორძინების ფონდის თავმჯდომარის, თამარ ჩიბურდანიძეს თქმით, ამ მიზნით შესაძლოა, ახალდაქორწინებულ წყვილს სახელმწიფომ საცხოვრებელი ფართი, თანხა ან მცირე ბიზნესი გადასცეს.

იაკობ გოგებაშვილის სახელობის თელავის სახელმწიფო უნივერსიტეტში ჩარიცხულ 228 სტუდენტს სახელმწიფო დააფინანსებს. აღნიშნულ სპეციალობებზე ჩარიცხული ყველა სტუდენტი ბაკალვრიატში, 4 წლის განმავლობაში ისწავლის უფასოდ. 

“ტელეგრაფი” WIN/Gallup International-ის კვლევას აქვეყნებს, რომლის თანახმადაც ყველაზე რელიგიური ქვეყანა ტაილანდია, სადაც გამოკითხულთა 94% აცხადებს, რომ მორწმუნეა. ტაილანდის შემდეგ ყველაზე მაღალი მაჩვენებელი – 93% – სომხეთს, ბანგლადეშს, საქართველოსა და მაროკოს აქვთ.