ახალი ამბები

გურჯაანის კულტურის ცენტრში პოლიცია გამოიძიძახეს. მიზეზი კი ქურდობის ფაქტი გახდა. თანამშრომლების ინფორმაციით, სპექტაკლის მიმდინარეობისას, თბილისიდან მოწვეულ რამდენმე მსახიობს საფულედან თანხა მოპარეს. 

გურჯაანის მუნიციპალიტეტში სეტყვის საწინააღმდეგო 8 საცეცხლე წერტილი დამონტაჟდა. სახელმწიფო სამხედრო სამეცნიერო-ტექნიკური ცენტრის, „დელტას“ წარმომადგენლების თქმით, აღნიშნული წერტილების რიცხვი გაიზრდება 14-მდე, რომელიც სეტყვისგან მოსავლის დაცვას შეუწყობს ხელს.

მალაიზიის პარლამენტის წარმომადგენლობითი პალატის ვიცე-სპიკერი, პარლამენტის წევრები და საქართველოს უმაღლესი საკანონმდებლო ორგანოს თავმჯდომარის პირველი მოადგილე მანანა კობახიძე ქალაქ სიღნაღს ესტუმრნენ.

საგარეჯოს მუნიციპალიტეტის დემოკრატიული ჩართულობის ცენტრში, საგზაო უსაფრთხოების კამპანიის „ნუ შექმნი საფრთხეს, დაიცავი საგზაო წესები“ ფარგლებში საინფორმაციო შეხვედრა გაიმართა, რომელსაც ადგილობრივ მოსახლეობა, სკოლის მასწავლებლები და  მოსწავლეები ესწრებოდნენ. 

თელავში, ,,ეკონომიკური პოლიტიკის კვლევის ცენტრის” ინიციატივით, შეხვედრა გაიმართა, სადაც ქალი მეწარმეების გააქტიურებაზე იმსჯელეს. 

სურსათის ეროვნულმა სააგენტომ თურქეთიდან ცოცხალი ფრინველის, ხორცისა და კვერცხის იმპორტი შეზღუდა. როგორც სააგენტოს მიერ გავრცელებულ ინფორმაციაშია ნათქვამი, საერთაშორისო ეპიზოოტიური ბიუროს ინფორმაციით, თურქეთში ფრინველის მაღალპათოგენური გრიპი დაფიქსირდა. 

კახეთის გუბერნატორი ირაკლი შიოლაშვილი დღეს რამდენიმე საათის განმავლობაში ლაგოდეხში ადგილობრივი თვიმმართველობის წარმომადგენლებს ხვდებოდა.

თელავის რმუნიციპალიტეტის სოფელ ბუშეტში მამაკაცმა თავი ჩამოიხრჩო. გარდაცვლილი 82 წლის მამაკაცის ცხედარი სახლთან მდებარე სათავსოში მისმა შვილებმა აღმოაჩინეს. 

თელავის მუნიციპალიტეტის სოფელ წინანდალში ანიმაციური ფილმების ფესტივალი „თოფუზი“ გაიხსნა. ღონისძიებას, რომელიც კახეთში მეშვიდედ იმართება, წინანდლის კულტურის სახლმა უმასპინძლა. 

რელიგიის საკითხთა სახელმწიფო სააგენტოს ინფორმაციით, აქციის ფარგლებში, გერმანული ორგანიზაცია: მისია ფრიდენსბოტე.ი.ვი-ს საქართველოს ფილიალის წარმომადგენლებმა, პანკისის ხეობის მოსახლეობას აუცილებელი ჰუმანიტარული ტვირთი – 90 ყუთი სამოსი და თეთრეული გადასცა.
ინფორმაციას ,,ინტერპრესნიუსი” ავრცელებს.