ახალი ამბები

რადიო ჰერეთის საინფორმაციო სამსახურის ხელმძღვანელი გიორგი ალადაშვილი წლის საუკეთესო ჟურნალისტური ნამუშევარის განათლების თემაზე კოალიცია “განათლება ყველასათვის“ 1000 აშშ დოლარით და სამახსოვრო პრიზით დაჯილდოვდა.

თელავის დემოკრატიული ჩართულობის ცენტრში, შსს მინისტრის მოადგილემ არჩილ თალაკვაძემ, პროექტ „უსაფრთხო ქალაქი“-ს ფარგლებში, სამოქალაქო საზოგადოებასთან შეხვედრა გამართა. შეხვედრას არასამთავრობო ორგანიზაციების წარმომადგენლები, კახეთის გუბერნატორი და დაინტერესებული პირები ესწრებოდნენ.

გურჯაანის მუნიციპალიტეტის სოფელ ველისციხის აბანო, რომლის მშენებლობაც 50 000 ლარამდე დაჯდა, აღარ ფუნქციონირებს. ველისციხის ჰიგიენის სახლის მშენებლობა წინა ხელისუფლების მმართველობის პერიოდში, 2009 წელს დაიწყო და სოფლის მხარდაჭერის ფარგლებში განხორციელდა. 

სოფლის მეურნეობის სამეცნიერო კვლევითი ცენტრის ერთწლოვანი კულტურების კვლევის დეპარტამენტის წარმომადგენლები სამუშაო ვიზიტით კახეთის ხუთ მუნიციპალიტეტში იმყოფებოდნენ.

„გაერთიანებული დემოკრატიული მოძრაობის“ კახეთის რეგიონული ორგანზაციის ხელმძღვანელი, ვალერი შოშიაშვილი ცენტრალური ხელისუფლებისგან, რეგიონის მუნიციპალიტეტებში ხელოვნურად გაზრდილი შტატების და ხარჯვითი ნაწილის გადახედვას მოითხოვს. პარტიამ შესწავლილი მასალების შემდეგ ანგარიში გამოაქვეყნა.

დღეიდან სოფლის მეურნეობის პროექტების მართვის სააგენტოში პროგრამაში „დანერგე მომავალი“ მონაწილეობის მსურველთა განაცხადების მიღების პროცესი დაიწყო. 

პირველი აგვისტოდან რძისა და რძის პროდუქტებზე ახალი რეგლამენტი შევა ძალაში. 

2015 წელს გურჯაანის მუნიციპალიტეტში რეგიონებში განსახორციელებელი პროექტების ფონდიდან 17 ინფრასტრუქტურული პროექტი დაფინანსდება. როგორც გამგეობაში აცხადებენ, ამ ეტაპისთვის ტენდერი გამოცხადებულია ქალაქ გურჯაანში ფალიაშვილის ქუჩის რეაბილიტაციაზე, რომლის ფარგლებშიც დაიგება ასფალტო-ბეტონის საფარი და მოეწყობა საგზაო ინფრასტრუქტურა, პროექტის სახარჯთაღრიცხვი ღირებულება 427 600 ლარია. 

სავალუტო ჯიხურებში დოლარის ფასი გაიზარდა ლარის გუშინდელი ოფიციალური კურისის შემდეგ, სავალუტო ჯიხურებში დოლარის ფასი გაიზარდა. დღეს დოლარის ყიდვა 2.17 ლარად არის შესაძლებელი, გუშინ კი ფასი 2.13 ლარს შეადგენდა. რაც შეეხება გაყიდვას, მისი ფასი 2.13-დან 2.15 ლარამდე მერყეობს.

გურჯაანის მუნიციპალიტეტის სოფლებში, ჩალაუბანსა და მელაანში სასურსათო მაღაზიები გაქურდეს. როგორც მაღაზიის მეპატრონეები აცხადებენ, წაღებულია სხვადასხვა სახის პროდუქტები და ფული.