სტატიები

რამაზ სამხარაძე: გვაქვს ამბიცია რომ ,,თბილისი” გახდეს ერთ-ერთი ლიდერი რადიო. 

გურჯაანის მუნიციპალიტეტში მევენახეების ნაწილს ყურძნის ჩაბარების პრობლემა აქვთ. ისინი ამბობენ, რომ ყურძნით დატვირთული მანქანებით ქარხნებთან რამდენიმე დღის განმავლობაში რიგში დგომა უწევთ. 

სოფელ ართანაში სურსა­თის უვნებლობის სამსახური წყლის მიკრობილოგიურ დაბინძურებას ადასტურებს. ართანის წყლის სათავე-ნაგე­ბობა მომწამვლელი ნივთიე­რება აზბესტის შემცველო­ბისაა, რომლის გამოყენება ამერიკასა და ევროპაში მთლიანად აკრძალულია. 

მოქალაქეთა საკუთრების უფლების დაცვის კონკრეტული სამართლებრივი რეგულაციების, დაზარალებულთათვის შესაბამისი კომპენსაციის მექანიზმებისა და განსახლების ერთიანი სახელმწიფო პოლიტიკის არქონის გამო, წინა ხელისუფლების დროს მოსახლეობისთვის შექმნილი პრობლემა სვანეთში ისევ გადაუჭრელი რჩება. კერძოდ, 2012 წლამდე მესტიაში განვითარებულმა მოვლენებმა, ადგილობრივი მოსახლეობა საგრძნობლად დააზარალა; მოსახლეობას საკუთრებაში არსებული მიწის ნაკვეთები სახელმწიფომ მცირე კომპენსაციებით ან სრულიად უსასყიდლოდ იძულებით ჩამოართვა. იმ დროს შექმნილი კანონმდებლობის გამო კი, ადგილობრივები დღემდე ვერ ახერხებს საკუთრებაში არსებული მიწის ნაკვეთების დაკანონებას.

თუმცა, მესტიელების და მთის რეგიონების პრობლემა, შესაძლოა, უახლოეს მომავალში გადაიჭრას _ საკანონმდებლო ორგანო კანონში ცვლილების შეტანას გეგმავს, რაც მემკვიდრეობით მიღებული მიწის ნაკვეთების დაკანონებას შესაძლებელს გახდის.

საგარეჯოს მაჟორიტარი დეპუ­ტატის შუალედურ არჩევნებამდე თვენახევარი რჩება. არჩევნებში მმართველი გუნდის კანდიდატი ახალაგზრდა იურისტთა ასოციის ყოფილი თავმჯდომარე თამარ ხიდა­შელია, ოპოზიციური სპექტრიდან კენჭს იყრის პატრიოტთა ალიანსის ლიდერი ირმა ინაშვილი, ხოლო და­მოუკიდებელი კანდიდატი გიორგი დავითაიაა. 

წელს კახეთში რთველი მევენახეთა პროტესტის ფონზე დაიწყო. მთავარ უკმაყოფილებას შემცირებული სახელმწი­ფო სუბსიდია იწვევს. გასულ წელთან შედარე­ბით ყურძნის ფასი გაცილე­ბით დაბალია. სავალუტო კრიზისის ფონზე კი, დემ­პინგური. კახეთში ფერმერები საპროტესტო აქციებს ერთი კვირაა მართავენ. გამოსვლები გურჯაანის მუნიციპალიტეტში დაიწ­ყო, თუმცა მოგვიანებით აქციებს სხვადასხვა რაიონიდან შეუერთდნენ. ადგილობრივები ხელი­სუფლებას უყურადღებო­ბაში ადანაშაულებენ და ყურძნის ფასის გაზრდას ითხოვენ. მოსახლეობა აცხადებს, რომ იმ შემთხვევაში თუ ღვინის კომპანიები ყურ­ძენს ერთ ლარზე ნაკლებ ფასად ჩაიბარებენ, მო­სავალს არ დაკრეფენ. მიმდინარე კვირა აქციის მონაწილეებსა და პოლი­ციას შორის უსიამოვნო შეხლაჶშემოხლით დაიწ­ყო, რასაც მევენახეების დაპატიმრება მოყვა. გურჯაანის მაჟორიტარ დეპუტატს გიორგი ღვი­ნიაშვილს კი ფიზიკურად გაუსწორდნენ.

ყურძნის  კრეფა  აგვისტოს ბოლოს  დაიწყო,  თუმცა რთველი აქტიურ ფაზაში ახლა გადადის.  „რთველი-2015“-ის საკოორდინაციო  შტაბის უფროსის  გიორგი  სამანიშვილის განცხადებით,  ამ ეტაპზე  უკვე  დარეგისტრირებულია  70-ზე  მეტი კომპანია, რომელიც მზადაა  შეისყიდოს  ყურძენი.  აქამდე  ძირითადად  იკრიფებოდა სეტყვის შედეგად დაზიანებული  ყურძენი, თუმცა  აღსანიშნავია, რომ  ვისაც დაზღვეული ჰქონდა ვენახი,  ზარალი ხელშეკრულების მიხედვით აუნაზღაურდება.  ხოლო  მოსავლის იმ ნაწილს, რაც გადარჩა,  კომპანიები ჩაიბარებენ.  

მიმდინარე რთველის სეზონზე ყურძნზე ფასის დავარდნა რამდენიმე ფაქტორის გამო მოხდა, კონკრეტულად რუსეთის ეკონომიკაში არსებულმა კრიზისმა ძალიან ცუდი გავლენა იქონია ქართული ღვინის გაყიდვების მოცულობაზე. ამასთან ერთად ქართული ღვინის ყველაზე მნიშვნელოვანი ბაზარი უკრაინაც პოლიტიკურ, საზოგადოებრივ და ფინანსურ კრიზისშია და ამ ქვეყანაშიც ჩვენი ღვინოების გაყიდვების მაჩვენებელი ძალიან დაბლა ჩამოვიდა.

გონიოს ციხესთან და ზღვისპირა ზოლში მდებარე სადაო მიწების საკითხი, რომლის დაბრუნებასაც მოსახლეობა უკვე რამდენიმე წელია ითხოვს, ჯერ კიდევ გაურკვეველია. ფონდ “ღია საზოგადოება _ საქართველოს” პროექტის _ “საკუთრების უფლების დაცვის ხელშეწყობა ახალ ტურისტულ ზონებში” _ ფარგლებში არასამთავრობო ორგანიზაციებმა, სხვა ფაქტებთან ერთად,  გონიოს დაზარალებული მოსახლეობის პრობლემაც შეისწავლეს.

პროფესიით აგრონომი 74 წლის ფარნაოზ ნატროშვილი სიღნაღის მუნიციპალიტეტის  სოფელ ნუკრიანის მკვიდრია, სოფლის მეურნეობის სფეროში დიდი გამოცდილება აქვს, უკვე რამდენიმე წელია რაც მეუღლე გარდაეცვალა, შვილები თბილისში არიან და მარტოს უწევს ცხოვრება. ასევე დამოუკიდებლად უვლის ერთ ჰექტარ ვენახს.