ახალი ამბები

ადგილობრივი თვითმმართველობის არჩევნებში ყვარლის რაიონის გამგებლობის კანდიდატი “ერთიანი ნაციონალური მოძრაობიდან” ხატია დეკანოიძე იქნება, – ამის შესახებ “რუსთავი 2”-ის გადაცემა “პოზიციაში” პარტიის ერთ-ერთმა ლიდერმა გიორგი ღვინიაშვილმა განაცხადა.

მისი თქმით, ხატია დეკანოიძე ღირსეული კანდიდატია, რომელიც გაიმარჯვებს.

ყვარლის უკვე ყოფილ გამგებელ დავით ქევხიშვილს, გურჯაანის რაიონულმა სასამართლომ 100 ლარიანი ჯარიმა შეუფარდა. მასთან ერთად დაკავებულ 17 პირს კი 400-400 ლარის გადახდა დაეკისრათ. პროცესი 8 საათის განმავლობაში მიმდინარეობდა.

საპატრულო პოლიციის დეპარტამენტის კახეთის მთავარი სამმართველოს თანამშრომლებმა ქალაქ დედოფლისწყაროში, დედოფლისწყაროს საკრებულოს დეპუტატი ნაციონალური მოძრაობიდან, ინფრასტრუქტურისა და სივრცითი დაგეგმარების კომისიის თავმჯდომარე, თამაზ კირვალიძე და მისი თანმხლები პირი, მამუკა ბაღაშვილი ადმინისტრაციული წესით დააკავეს. ბაღაშვილი „ნაცმოძრაობის“ დედოფლისწყაროს რაიონული ორგანიზაციის თავმჯდომარის, ლევან ბაღაშვილის ძმაა.

თელავში, ,,დემოკრატიული ჩართულობის ცენტრში” გაიმართა მრგვალი მაგიდის დისკუსია ინტერნეტ მომხმარებელთა უფლებებისა და კანონიერი ინტერესების დაცვა.

თელავის სამუსიკო სასწავლებლის ირგვლივ დავა გრძელდება. სასწავლებლის ყოფილი დირექტორი, ვასილ კევლიშვილი, მოქმედ დირექტორს, ლელა ონიანს სამსახურებრივი უფლებამოსილების ბოროტად გამოყენებაში, სამსახურებრივ გულგრილობაში, ბეჭდის მართლსაწინააღმდეგო მისაკუთრება/გადამალვასა და სახელმწიფოსთის შემოსავლების დამალვა/მითვისებაში სდებს ბრალს.

საქართველოს განათლებისა და მეცნიერების სამინისტროს შიდა აუდიტის დეპარტამენტმა 4 მარტიდან 7 მარტის ჩათვლით თესაუში განახორციელა ინსპექტირება. უნივერსიტეტში შიდა აუდიტის დეპარტამენტის შესვლა და ჩატარება მოითხოვეს თესაუს რექტორის მოადგილემ ალექსანდრე ყვირალაშვილმა, რექტორის მრჩეველმა ელიზბარ ელიზბარაშვილმა, ასისტენტ-პროფესორმა თამარ ბაჩიაშვილმა და ქართული ენისა და ლიტერატურის დეპარტამენტის სპეციალისტმა მარინა სულხანიშვილმა. უმაღლეს სასწავლებელში ინსპექტირების შედეგებზე შედგენილი დასკვნის მიხედვით შიდა აუდიტის დეპარტამენტი ითხოვს ადმინისტრაციის ხელმძღვანელის არჩევნების ბათილად ცნობას.

,,kakhetinews.ge – ს ინფორმაციით, გუშინ, 19:00 საათზე, სამუშაო საათების დასრულების შემდეგ, კახეთის გუბერნატორი საკუთარ კაბინეტში ,,ქართული ოცნების“ კახეთის მუნიციპალიტეტების პარტიულ თავმჯდომარეებსა და ,,ქართული ოცნების” კახეთის რეგიონის კოორდინატორს ირაკლი გრძელივანიშვილს შეხვდა.
ჩვენი ინფორმაციით, დახურულ შეხვედრაზე განიხილებოდა ,,ქართული ოცნების” მუნიციპალიტეტების გამგებლების კანდიდატურები. განხილვა, ამ ეტაპზე, დასრულებულია და ,,ქართული ოცნების“ გუნდში კანდიდატურებიც უკვე ცნობილია.

კახეთის გუბერნატორი ირაკლი შიოლაშვილი kakhetinews.ge -სგან ბოდიშის მოხდას მოითხოვს და დამოუკიდებელ მედია ორგანიზაციას გუბერნიის დისკრედიტაციაში ადანაშაულებს.

ამის შესახებ გუბერნატორმა  განცხადება ხელისუფლების მიერ   სპეციალურად წინა საარჩევნოდ შექმნილ არაოფიციალურ ბლოგზე „ლოკალინფოზე“ გაავრცელა, სადაც აღნიშნა, რომ „კახეთის ხმამ“ გადაუმოწმებელი ინფორმაცია გამოაქვეყნა და ამტიკცებს, რომ  ეს ყველაფერი საარჩევნოდ გამიზნულად ხორციელდება.

საქმე ეხება „კახეთის ხმის“ ონლაინ მედია პროდუქტზე „kakhetinews.ge გამოქვეყნებულ ჟურნალისტ მაკა მოსიაშვილის  სტატიას, სადაც საუბარი იყო წინასაარჩევნოდ ადმინისტრაციული რესურსების შესაძლო გამოყენებაზე, კერძოდ, იმაზე, რომ გუბერნიის კუთვნილი  სახელმწიფო  ავტომანქანით „,ფოლკსვაგენ პასატით“ (ნომერი UFU 133)   პარტია „ქართული ოცნების“ რეგიონის  ხელმძღვანელი ირაკლი გრძელივანიშვილი გადაადგილდებოდა.

ჟურნალისტი ინფორმაციის გადასამოწმებლად  თავად გუბერნატორ ირაკლი შიოლაშვილს და  მის პრეს სამსახურს, მადონა ბატიაშვილს დაუკავშირდა და მათთან ინფორმაციის  დაზუსტება სცადა, რაც სტატიას დაურთო კიდეც.

რაც შეეხება,  ინფორმაციის წყაროს, რომელზე დაყრდნობითაც მომზადდა ინფორმაცია,  ჟურნალისტმა წყაროს თხოვნით, არ მიუთითა მისი ვინაობა, რისი უფლებაც მას საქართველოს კანონმდებლობით აქვს მინიჭებული.

იმის ნაცვლად, რომ გუბერნატორის ადმინისტრაციას მოეთხოვა საპასუხო კომენტარის გაკეთება და რედაქციისათვის მიემართა, ანდა, ადმინისტრაციის ოფიციალურ ვებ გვერდზე გაეკეთებინა განმარტება, მან გამიზნულად გამოიყენა ხელისუფლების მიერ სპეციალურად წინასაარჩევნოდ შექმნილი ბლოგი „ლოკალინფო“ და „კახეთის ხმას“ ბრალდებები წარუდგინა.

ირაკლი შიოლაშვილი აღნიშნავს, რომ თითქოს „კახეთის ხმამ“  შეგნებულად მოახდინა გუბერნიის დისკრედიტაცია, რაზეც გვინდა განვმარტოთ, რომ  ჩვენი მედია ორგანიზაცია ჩართულია ქართული მედიის  მონიტორინგის პროგრამაში და არის თუ არა „კახეთის ხმა“ რომელიმე ჯგუფის  მიმართ მიკერძოვებული მედია ორგანიზაცია, ამ საკითხს კომპეტენტური მედია ექსპერტები და საერთაშორისო ორგანიზაციები  უკეთ გაუწევენ  მონიტორინგს, ვიდრე საჯარო მოხელეები, რომლებიც წესით  საზოგადოების პრობლმების გადაჭრით  უნდა იყვნენ დაკავებული და არა სატელიტი მედია წარმონაქმნების დაფინანსებით და მხარდაჭერით.

ახმეტელმა გოგიტა სამუკაშვილმა, სახლის სახურავზე რუსეთის დროშა აღმართა. თუმცა, ,,kakhetinews.ge – ს სანდო წყაროს ინფორმაციით, ადგილობრივმა ხელისუფლებამ დროშის ჩამოღება გუშინ გვიან საღამოს მოსთხოვა