ახალი ამბები

7 იანვრიდან, საქართველოს მთელს ტერიტორიაზე ამინდი გაუარესდება. როგორც გარემოს დაცვის სამინისტროს სინოპტიკოსი, სვეტა ნიორაძე აცხადებს, მომდევნო დღეებში ასევე გაძლიერდება ყინვა. 

მართლმადიდებელი სამყარო დღეს მაცხოვრის შობის ბრწყინვალე დღესასწაულს აღნიშნავს. ამასთან დაკავშირებით ტაძრებში საზეიმო ღვთისმსახურება ღამისთევით ტარდება.

იანვრის ბოლოს პროგრამას „აწარმოე საქართველოში” მიკრო და მცირე ბიზნესის კომპონენტი დაემატება. როგორც ეკონომიკის სამინისტროში აცხადებენ, მიკრო მეწარმეობის პროექტი ნიშნავს, რომ თითოეულ რეგიონში მოხდება შეღწევა და მოსახლეობას ექნება საშუალება ისარგებლოს პროგრამით. 

ავტომობილების ტექნიკური დათვალიერება მძღოლებს წელიწადში 50 ლარი დაუჯდებათ. 2015 წლის 1-ლი მარტიდან საქართველოში რეგისტრირებული ყველა კატეგორიის ავტოსატრანსპორტო საშუალება გზისთვის ვარგისობაზე სავალდებულო პერიოდულ ტესტირებას დაექვემდებარება. 

დაკლულ საქონელზე კომპენსაცია არ გაიცემა. თუ ძროხას ან ხარს ბრუცელოზის დიაგნოზი დაუსვეს, ერთადერთი გამოსავალია მისი დაკვლა სასაკლაოზე ვეტერინარის თანდასწრებით. პატრონებისთვის კომპენსაცია არ გაიცემა, მაგრამ მათ შეუძლიათ დაინფიცირებული საქონლის ხორცის გაყიდვა დაბალ ფასად ისე, რომ მისი გამოყენება მოხდეს გადამუშავების შემდეგ, რადგან ბრუცელას ბაქტერია პასტერიზაციის შედეგად კვდება.

ბრუცელოზის შემთხვევები, რომლებიც  მესაქონლეობას დიდ ზიანს აყენებს და საფრთხეს უქმნის ადამიანებსაც, მძიმე კვალს ტოვებს საქართველოს ზოგიერთ რეგიონში  – ქვეყანაში, სადაც მოსახლეობის ნახევარზე მეტი სოფლის მეურნეობის სფეროშია დასაქმებული.

მედიკოსები იანვრიდან მარტის ჩათვლით გრიპის ვირუსის გააქტიურებას ელოდებიან და მოსახლეობას სიფრთხილისკენ მოუწოდებენ.

ქართული ღვინო იმ 9 სასმელს შორის მოხვდა, რომლის დაგემოვნებაც 2015 წლიდან უნდა დავიწყოთ. სტატიის ავტორი განსაკუთრებით მოიხიბლა ნარინჯისფერი ღვინით, რომელიც თეთრი ყურძნისგან მზადდება.

ქათმის ნედლი ხორცი 2015 წლის პირველი იანვრიდან სავაჭრო დახლებზე რომ მოხვდეს, ამისთვის მას თან ვეტერინარული მოწმობა – ფორმა N2 უნდა ახლდეს. ეს კი იმას ნიშნავს, რომ ქათამი ისეთ სასაკლაოზე უნდა დაიკლას, სადაც საფრთხის ანალიზისა და კრიტიკული საკონტროლო წერტილების (HACCP – Hazard Analysis and Critical Control Point) საწარმოო სისტემაა დანერგილი. 

5 იანვრის მონაცემებით, მსოფლიო ბაზარზე ”ბრენტის” მარკის ნავთობის ფასმა ბარელზე 55,5 დოლარი შეადგინა.