ახალი ამბები

თელავის მუნიციპალიტეტში, სტორის ხეობაში, ე.წ. სვიანაზე, რეკრაციული ზონა გაიხსნა. აღნიშნულ ადგილას კავკასიის გარემოსდაცვითი არასამთავრობო ორგანიზაციათა ქსელის (CENN)-ის პროექტის ,,ტყეების მდგრადი მართვა საქართველოში” ფარგლებში მოეწყო ტურისტული ინფრასტრუქტურა, რომლის მიზანია არსებული ტყეების რეკრეაციული ფუნქციის გამოვლენა და ტყეების რესურსის გამოყენება მის დაუზიანებლად. 

თელავში დაიწყო საქრთველოს საკალათბურთო ქალთა ლიგის ეროვნული ჩემპიონატის მე-4 ტური, რომელშიც მონაწილეობენ: ახმეტის, ქუთაისის, რუსთავის და საქართველოს ოლიმპიური ნაკრები გუნდები. 

სოფლის მეურნეობის სამინისტროს სურსათის ეროვნული სააგენტო კახეთის რეგიონში კოღოების წინააღმდეგ ქიმიური წამლობას ახორციელებს. ღონისძიება დედოფლისწყაროს მუნიციპალიტეტის სოფელ სამთაწყაროდან დაიწყო.

ახმეტის მუნიციპალიტეტის სოფელ ომალოში მომხდარი შემთხვევის დროს ერთი ადამიანი დაიღუპა და ერთი დაშავდა. როგორც შსს-ში აცხადებენ, საგანგებო სიტუაციების მართვის სააგენტოს მაშველებმა დაშავებული მამაკაცის გადასარჩენად სამაშველო ოპერაცია ჩაატარეს. 

თელავის მუნიციპალიტეტის სოფელ ნასამხრალში მომხდარ ავარიას შუახნის მამაკაცის სიცოცხლე ემსხვერპლა. 

კახეთის რეგიონს დღეს ენერგომომარაგება დროებით შეეზღუდება. საგარეჯოში, კომპანია ,,დელტაკომის” მიერ ინტერნეტის კაბელის სამონტაჟო სამუშაოების მიმდინარეობის გამო, სოფ. ბადიაურის ნაწილს 24 ივნისს 07-დან 13 სთ-მდე ენერგომომარაგე შეუწყდება. სამუშაოების დასრულებისთანავე ბადიაურის მოსახლეობას ენერგომომარაგება აღუდგება. 

ლაგოდეხის მუნიციპალიტეტის სოფელ ფონაში, ასფალტის ქარხნის მიმდებარე ტერიტორიაზე მამაკაცი დაშავდა. თვითმხილველების განცხადებით, ვ.ხ-ს მდინარიდან ტრაქტორით ქვიშა ამოჰქონდა, რა დროსაც ტექნიკა მწყობრიდან გამოვიდა, ცეცხლი გაუჩნდა და აფეთქდა.

სოფლის მეურნეობის სამინისტრომ საკუთარი ბიუჯეტის კორექტირების ფარგლებში წარმომადგენლობითი, საკომუნიკაციო და საწვავთან დაკავშირებული ხარჯები და ასევე სამეცნიერო კვლევითი მიმართულების კუთხით დაგეგმილი პროექტების დაფინანსება შეამცირა.

28 ივნისს, კვირას, 13 საათზე, თელავის მუნიციპალიტეტის სოფელ იყალთოში აბბა ალავერდელი მიტროპოლიტი დავითი ეპარქიის სამღვდელოებასთან ერთად ქვევრის სკოლა-სახელოსნოს საძირკველს აკურთხებს. 

დედოფლისწყაროს მუნიციპალიტეტში, შირაქის ველზე, ალოობა დაიწყო. ფერმერები წელს უხვი მოსავლის მიღების პარალელურად შექმნილ პრობლემებზე საუბრობენ.