ახალი ამბები

ქალაქ თელავში მხატვარების ზაზა სახეიშვილისა და ირაკლი ხაჩიძის ნახატების გამოფენა მიმინარეობს. ნახატების ნახვა ნებისმიერ მსურველს ერეკლე მეორის #15-ში შეუძლიათ. 

“ენერგო პრო ჯორჯიამ” “კახეთის ენერგოდისტრიბუციის” შეძენა გადაიფიქრა. კომპანიის გენერალური დირექტორის მოადგილე, მიხეილ ბოცვაძე აცხადებს, რომ კახეთის ენერგოდისტრიბუციისთვის, რომელიც მძიმე ფინანსურ მდგომარეობაში იმყოფება, საინტერესო იქნებოდა „ენერგო პროს” გამოცდილება. ბოცვაძის თქმით, ამ ეტაპზე, როდესაც კომპანია რთულ მდგომარეობაში იმყოფება, საკითხი აქტიურად არ განიხილება.  

დღეიდან C ჰეპატიტის უფასო სკრინინგის ორკვირეული დაიწყო.  დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, ჰეპატიტის მსოფლიო დღესთან დაკავშირებით 2015 წლის 27 ივლისიდან ათი სამუშაო დღის განმვავლობაში დაგეგმილია სკრინინგი საქართველოს 9 რეგიონში. 

ინტერპრესნიუსის ინფორმაციით, საქართველოში 4.1 მაგნიტუდის მიწისძვრა მოხდა. მიწისძვრის ეპიცენტრი კახეთში იყო, თუმცა მიწისქვეშა ბიძგები თბილისშიც იგრძნობოდა. 

გურჯაანის მუნიციპალიტეტის სოფელ ჯიმითში თავდაცვის მინისტრი, თინათინ ხიდაშელი სადაზვერვო ქვედანაყოფების სიტუაციური საველე სწავლების 2015 „სამგლე ველის“ მიმდინარეობას გაეცნო. 

კახეთი ერთადერთი რეგიონია, სადაც ელექტროენერგია არ გაძვირდება. კახეთის ენერგოდისტრიბუციაში აცხადებენ, რომ ისინი არ აპირებენ სემეკში სატარიფო განაცხადის შეტანას.

თელავის მედია კაფეში, საგზაო უსაფრთხოების შესახებ მედია კონკურსში გამარჯვებული ჟურნალისტები დააჯილდოვეს. ფონდმა “პარტნიორობა საგზაო უსაფრთხოებისათვის” კონკურსის ფარგლებში საგზაო უსაფრთხოების თემაზე საუკეთესო სტატია, რადიო გადაცემა და ტელე სიუჟეტი გამოავლინა. 

გურჯაანი-ლაგოდეხის ცენტრალურ მაგისტრალზე, აფენის მონაკვეთზე, ავტოსაგზაო შემთხვევა მსხვერპლით დასრულდა. ავარიის შედეგად 55 წლის მამაკაცი გარდაიცვალა. 

პანკისის ხეობაში სოფელ ჯოყოლოს მკვიდრი, 16 წლის მუჰამედ ბორჩაშვილი ალაზნის სარწყავ არხში ბანაობის დროს დაიხრჩო. 

გურჯაანის მუნიციპალიტეტის სოფელ ახაშენში, სტიქიის შედეგების აღმოფხვრაში თავდაცვის სამინისტრო ჩაერთო. ეროვნული გვარდიის თელავის მე-20 კადრირებული ბრიგადის 100 ჯარისკაცი დილიდან ღვარცოფისგან მოტანილი ქვაღორღისაგან ახაშენის შიდა საუბნო გზებსა და სანიაღვრე არხებს წმენდს.