ახალი ამბები

ქვემო ქართლის მცხეთა მთიანეთისა და კახეთის ტერიტორიული ორგანოს უფროსი, მერაბ გოქსაძე ქრთამის აღების ფაქტზე დააკავეს. დანაშაულებრივ ფაქტზე მიმდინარეობს გამოძიება საქართველოს სისხლის სამართლის კოდექსის 338 – ე მუხლის პირველი ნაწილით, რაც ითვალისწინებს თავისუფლების აღკვეთას 6 დან 11 წლამდე ვადით.

“ადგილობრივი თვითმმართველობის კოდექსში” დაგეგმილი ცვლილებების ფარგლებში, რომელიც თვითმმართველობებს აპარატებში შტატების დამატებისა და საშტატო ერთეულების გაზრდის შესაძლებლობას აძლევს, თელავის მუნიციპალიტეტის გამგეობა და საკრებულო 45 შტატის დამატებას გეგმავს.

თელავის მუნიციპალიტეტის გამგეობაში გამოცხადებულ 106 ვაკანსიაზე 1600 განაცხადი შევიდა.

რძის ნაწარმის შესახებ ტექნიკური რეგლამენტი მომხმარებელს უხარისხო პროდუქტისაგან დაიცავს. 

შსს-ს თანამშრომლებმა ყვარელში პოლიციელის მკვლელობის ბრალდებით 28 წლის ილია ს. დააკავეს.

ექსპერტები ფასების მატებას ლარის გაუფასურებასა და სეზონურ, პროდუქციის საახალწლო გაძვირებას უკავშირებენ. მათი შეფასებით, გაძვირების ტენდენცია იანვრის ბოლომდე გაგრძელდება.

საქართველოს პრეზიდენტის, მრჩეველი, სოფიო შამანიდი პანკისის ხეობას ქართველი მწერლებთან ერთად ესტუმრა. 

“სისხლის სამართლის საპროცესო კოდექსში” ფარული საგამოძიებო მოქმედების შეტყობინების ვალდებულება ჩაიდო – ნებისმიერ პირს, იქნება ეს სამართალწარმოების მხარე, თუ მესამე პირი, აუცილებლად უნდა ეცნობოს, რომ მის მიმართ ფარული ღინისძიება განხორციელდა, ხოლო საკითხს, თუ როდის უნდა ეცნობოს, პროკურორი წყვეტს.

მეტეოროლოგიურ სამსახურის ინფორმაციით, კახეთში უნალექო ამინდი 10 დეკემბრამდე შეინარჩუნდება. ჰაერის მაქსიმალური ტემპერატურა დღისით +10, ხოლო ღამის საათებში -3 გრადუსი დაფიქსირდება. 

პროკურატურის მიერ ჩატარებული კვლევის თანახმად, ოჯახური დანაშაული ყველაზე ხშირად სახლში, საღამოს 6 საათიდან ღამის 12 საათამდე პერიოდში ხდება.