ახალი ამბები

გურჯაანში 25 წლის ჯაბა ელიზბარაშვილი მოკლეს.  ახალგაზრდა საავადმყოფოში მიყვანის შემდეგ გარდაიცვალა. დაჭრილია გარდაცვლილის მამა ნოდარ ელიზბარაშვილიც, რომელიც გურჯაანის რაიონულ საავადმყოფოშია გადაყვანილი. მკვლელობის სავარაუდო ვერსია ურთიერთ შეალაპარაკება გახდა. 

თელავის სახელმწიფო უნივერსიტეტის რექტორად ასოცირებული პროფესორი, ირმა შიოშვილი აირჩიეს. შიოშვილი ყოფილი რექტორის, ავთანდილ ღელაღუტაშვილის მოადგილე იყო. ახალ რექტორს თელავის აკადემიური საბჭოს ექვსივე წევრმა დაუჭირა მხარი. 

ქართული ხორცისთვის მეზობელი ქვეყნის ბაზარი დაიხურა. ფერმერების ინფორმაციით, აზერბაიჯანელ იმპორტიორებს ხორცს მინიმალურ ფასად 1 კილოგრამს 4,5 ლარად სთავაზობენ, თუმცა ამ ქვეყნიდან მოთხოვნა საერთოდ აღარ არის. 

20-21 მარტს, 11:00 საათზე, ქალაქ თელავში, სასტუმრო „რჩეული მარნის“(ი.ჭავჭავაძის ქ.154) საკონფერენციო დარბაზში ტრენინგი თემაზე „გენდერული თანასწორობის ხელშეწყობა სამუშაო ადგილებზე“ გაიმართება.

ევროატლანტიკური ინტეგრაციის კოორდინაციის სახელმწიფო კომისიამ 2015 წლის წლიური ეროვნული პროგრამა დაამტკიცა. 

სავარაუდოდ ეჭვიანობის ნიადაგზე მოკლულია კიდევ ერთი ქალი. 

ერთი დოლარის ოფიციალური ფასი 2.2230 ლარი გახდა. საქართველოს ეროვნულმა ბანკმა ლარის ოფიციალური გაცვლითი კურსი დაადგინა, რომლის მიხედვითაც, 20 მარტიდან 1 დოლარის შეძენა 2.22 ლარად იქნება შესაძლებელი.

დღეს, საგარეჯოს მუნიციპალიტეტში, სოფელ დიდ ჩაილურში, საპროტესტო აქცია გაიმართა. ადგილობრივების პროტესტი უკავშირდება მზია მემარნიშვილის კანდიდატურის დაბლოკვას სოფლის საბავშვო ბაღში ექთნის პოზიციაზე.

საქართველოს პარლამენტის წევრის გოგი თოფაძის განცხადებას, რომ არასამთავრობო ორგანიზაციები უნდა შეიზღუდონ,  რეგიონული არასამთავრობო ორგანიზაციების წარმომადგენლებიც გამოეხმაურნენ.

საქართველოს ჟურნალისტთა დამოუკიდებელი ასოციაცია შეშფოთებულია რადიო ჰერეთისთვის სამაუწყებლო ლიცენზიის გაცემასთან დაკავშირებული სასამართლო დავების შეგნებულად გაჭიანურების გამო.