ახალი ამბები

თელავის მუნიციპალიტეტის სოფელ აკურაში სტალინის ბიუსტი დააბრუნეს. ადგილობრივების განცხადებით, საბჭოთა ბელადის ბიუსტი შინმოუსვლელთა პარკში ფაშიზმზე გამარჯვების დღესთან დაკავშირებით დააბრუნეს.

სოფელ აკურის მცხოვრები, გიორგი ქვლივიშვილი ამბობს, რომ თუ სტალინის ბიუსტს აიღებენ, ის ისევ დაგამს. 

იყალთოში “ქვევრის სახლის” მშენებლობა იწყება. ამჟამად მოსამზადებელი სამუშაოები მიმდინარეობს და ტერიტორია სუფთავდება.

თვითმმართველი თემის გამგებლის, ალექსანდრე შათირიშვილის თქმით, ქვევრის სახლის მშენებლობა, რომლის ღირებულება 2 მილიონ ნახევარ ლარს შეადგენს, სავარაუდოდ მომავალი წლის ზაფხულში დასრულდება.

დღეს, ქალაქ თელავის რამდენიმე ქუჩას ენერგომომარაგება დროებით, საღამოს 19:00-დან 20:00 სთ-მდე, შეეზღუდება. სს,,კახეთის ენერგოდისტრიბუციაში” აცხადებენ, დენის გათიშვის მიზეზი 10 კვ-იან ელექტროგადამცემ ხაზზე ,,რეპროდუქტორი“ ჩასატარებელი სარემონტო სამუშაოებია. 

ღვინის კომპანიები მიმიდნარე წელს სიახლეების დანერგვას გეგმავენ. “თელავის ღვინის მარანის” სამეთვალყურეო საბჭოს თავმჯდომარის ილია რამაზაშვილის განცხადებით, წელს იგეგმება კომპანიის მარნის განახლება, რაც ფასადური ნაწილის და შიდა იერსახის მოწესრიგებას გულისხობს.

ჟურნალისტმა ნატო მეგუთნიშვილმა ლექსების პირველი კრებული გამოსცა. წიგნის – ,,ჭრელი ქოლგების” პრეზენტაცია კვირას, 10 მაისს, თელავის მედია კაფეში გაიმართება.

საპარლამენტო უმრავლესობამ მთავრობის განახლებულ შემადგენლობას და სამთავრობო პროგრამას ნდობა გამოუცხადა. პარლამენტში ნდობის მისაღებად წარდგენილ მინისტთა კაბინეტს მხარი 87 დეპუტატმა დაუჭირა. 

არქიტექტორ ლალი მენთეშაშვილის ხელმძღვანელობით გურჯაანის მუნიციპალიტეტის სოფელ ვაზისუბნის ,,სანაგირის“ მონასტრის სარემონტო სამუშაოები მაისის ბოლოს დაწყება. 

თელავის რაიონულ სასამართლოსთან სოფელ კისისხევის მოსახლეობამ აქცია გამართა. ადგილობრივებმა პოლიციის მიერ სოფელში მცხოვრები 4 ახალგაზრდის დაჭერის ფაქტი გააპროტესტეს.

გურჯაანში გამგებლის წინააღმდეგ გამართული აქცია დასრულდა. კოალიცია ,,ქართული ოცნების” რამდენიმე წევრი მის გადადგომას ითხოვს. კოალიციის წევრების განცხადებით, მათ “ნაციონალებიდან” ჩანერგილი უწოდეს და ფაქტების წარმოდგენა მოითხოვეს.

საქართველომ ტურისტულ სექტორში კონკურენტუნარიანობის რეიტინგში 71–ე ადგილი დაიკავა, რომელსაც მსოფლიო ეკონომიკური ფორუმი აქვეყნებს მოხსენებაში World Economic Forum’s 2015 Travel and Tourism Competitiveness Index.