ახალი ამბები

ფინანსთა სამინისტროს საგამოძიებო სამსახურმა, ქრთამის აღების ფაქტზე, “ეროვნული სატყეო სააგენტოს” სიღნაღი-დედოფლისწყაროს სატყეო უბნის თანამშრომელი დააკავა. 

2015 წელი C ჰეპატიტთან ბრძოლის წლად ცხადდება. პროგრამაში C ჰეპატიტით დაავადებული საქართველოს ყველა მოქალაქე, ასევე ყველა პატიმარი ჩაერთვება. გაცხადებული მიზანია სამ წელიწადში საქართველოში C ჰეპატიტის დამარცხება. ამ მიზნის მისაღწევად ჯანდაცვის სამინისტრო საზოგადოებას მაქსიმალური ჩართულობისკენ მოუწოდებს.

აშშ დოლართან მიმართებაში ლარი გაუფასურებას განაგრძობს. საქართველოს ეროვნულმა ბანკმა ლარის ახალი ოფიციალური გაცვლითი კურსი დაადგინა. 
ეროვნული ბანკის მიერ დადგენილი კურსის თანახმად, ხვალიდან, 30 იანვრიდან 1 დოლარის შეძენა 2.06 ლარად იქნება შესაძლებელი. 

ახმეტის მუნიციპალიტეტის მოქალაქეებს მომსახურების ახალი სტანდარტებით მოემსახურებიან. სამსახური, რომელიც “ერთი ფანჯრის” პრინციპით იმუშავებს გამგეობის პირველ სართულზეა განთავსებული. 

თელავის მუნიციპალიტეტის სოფელ რუისპირში მომხდარ ავტოავარიას ერთი ქალბატონი ემსხვერპლა, მცირეწლოვანი ბავშვი კი მძიმედ დაშავდა.

სოფლის მეურნეობის სამინისტროს ინიციატივით, მცირემიწიან ფერმერთა 2015 წლის საგაზაფხულო სამუშაოების ხელშეწყობის პროექტი“ თებერვლიდან დაიწყება. პროექტს სოფლის მეურნეობის პროექტების მართვის სააგენტო განახორციელებს.

თელავის მერიაში კონკურსის ბოლო ეტაპი, 2, 3, 5 და 7 თებერვალს ჩატარდება. მერიის საკონკურსო-საატესტაციო მუდმივმოქმედი კომისიის თავმჯდომარის, არჩილ თხლაშიძეს თქმით, გასაუბრების შემდეგ და შერჩეული კანდიდატები დასამტკიცებლად მერიასა და საკრებულოს წარედგინება.

თელავის მუნიციპალიტეტის სოფელ იყალთოში, ,,ქვევრის სახლი” აშენდება. სამუშაოებს ტენდერში გამარჯვებული კომპანია ,,დაგი” განახორციელებს.
მუნიციპალიტეტის გამგეობაში აცხადებენ, რომ მშენებლობა უახლოეს ხანში დაიწყება და 18 თვეში დამთავრდება.

საქართველოს პრემიერ-მინისტრის, ირაკლი ღარიბაშვილის ინფორმაციით, სურსათზე ფასების ზრდა არ არის მოსალოდნელი.
მისი თქმით, დოლართან მიმართებაში ბოლოდროინდელი გაუფასურება და ამ ტენდენციის ანალიზი ცხადყოფს, რომ ეს არის გამოწვეული მთელ მსოფლიოში მიმდინარე მოვლენებით. 

საქართველოს შრომის, ჯანმრთელობის და სოციალური დაცვის სამინისტრომ უკვე დაასრულა სილამაზისა და ტატუ სალონების ინვენტარიზაცია მთელი ქვეყნის მასშტაბით.