ახალი ამბები

20 სექტემბერს რუსთავი 2 თელავს ეწვევა და კონცერტს გამართავს. ,,კომედის შოუს”, ,,საქართველოს ვარსკვლავის”, ,,ნიჭიერისა” და ,,იქს ფაქტორის” მონაწილეები ქალაქის ცენტრალურ მოედანზე სახალისო ნომრებს, სკეჩებს წარმოადგენენ და ქართული ესტრადის თანამედროვე სიმღერებსაც შეასრულებენ. 

კახელი მევენახეების პროტესტი გრძელდება. გლეხები აქციის გამართვას დღესაც აპირებენ. მათი მოთხოვნები უცვლელია. ისინი ყურძნის ფასის გაზრდას და სოფლის მეურნეობის მინისტრთან პირისპირ შეხვედრას ითხოვენ. 

თელავის სამთავრობო და არასამთავრობო ორგანიზაციების წარმომადგენლები, შვედეთის ადგილობრივი მთავრობის მუშაობას გაეცნობიან. შვედეთში ვიზიტის ფარგლებში დემოკრატიული ჩართულობის ცენტრის თანამშრომლები და ადგილობრვი ხელისუფლების წევრები მონაწილეობას მიიღებენ სამკვირიან ღონისძიებაში, რომლის მიზანია ადგილობრივი დემოკრატიის ხელშეწყობა, თვითმმართველობის პროცესებში მოქალაქეთა ჩართულობის ეფექტიანი მექანიზმების შემუშავება, ადგილობრივ დონეზე გადაწყვეტილების მიღების პროცესის გამჭვირვალობისა და საჯაროობის გაზრდა. 

გურჯაანის რაიონის სოფელ ჭანდარში ტოიოტას მარკის ავტომანქანა 8 წლის გოგონას დაეჯახა. სოფელ ჭანდარში გურჯაანის მუნიციპალიტეტის გამგებლის წარმომადგენლის, კობა ჯავშანაშვილის განცხადებით, ავტოსაგზაო შემთხვევა თელავი-თბილისის ცენტრალურ მაგისტრალზე სოფელ ჭანდრის საჯარო სკოლის წინ მაშინ მოხდა, როდესაც გოგონას სახლში ბრუნდებოდა. 

კახეთის რეგიონულ ელექტროგამანაწილებელ კომპანიას გაკოტრების ახალი მმართველი ჰყავს. 10 სექტემბრიდან სს „კახეთის ენერგოდისტრიბუციას“ ზურაბ მეტრეველი ხელმძღვანელობს. 

თელავის სახელმწიფო უნივერსიტეტის სტუდენტები და პროფესორ-მასწავლებლები გერმანიის ინკლუზიური განათლების სისტემაში ჩართულ სკოლებში სტაჟირებას გაივლიან. ფრანქფურტის ინკლუზიური განათლების კერძო სკოლის სპეციალისტი, პროფესორი ლუთს კუნცი იმყოფებოდა თელავის სახელმწიფო უნივერსიტეტში, სადაც განათლების მეცნიერებათა ფაკულტეტის დეკანთან დავით მახაშვილთან და პროფესორ-მასწავლებლებთან შეხვედრა გამართა. 

ქალაქ თელავის მერიამ მრავალშვილიანი 4 ოჯახის პირველი კლასის მოსწავლეებს საჩუქრად სასკოლო ნივთები გადასცა. 

თვითმართველი თემი თელავის მუნიციპალიტეტის სოფლებში არსებულ 20 ბაგა-ბაღში 1270 აღსაზრდელი დარეგისტრირდა. ბაგა-ბაღების გაერთიანების ხელმძღვანელის, გიორგი კოჭლოშვილის განცხადებით, ბავშვების რიცხვი წინა წელთან შედარებით საგრძნობლად გაიზარდა. 

სიღნაღის მუნიციპალიტეტში ბოდბე-ბოდბისხევის დამაკავშირებელი 5 კმ-იანი გზის რეაბილიტაცია დასრულდა. 

საპროტესტო აქციის მონაწლე მევენახეები გურჯაანის რაიონულ სასამართლოსთან არიან შეკრებილები და ელოდებიან დაკავებული ფერმერების მიყვანას.