ახალი ამბები

შინაგან საქმეთა სამინისტროს მონაცემებით, გასული წლის პირველი 6 თვის განმავლობაში ავტოსაგზაო შემთხვევების შედეგად საქართველოში დაიღუპა 180 ადამიანი და დაშავდა 3600-ზე მეტი.  „მსოფლიო ბანკმა“ დააფინანსა საპილოტე პროექტი, რომელიც კახეთის რეგიონში საგზაო უსაფრთხოების ცოდნის ამაღლებას ისახავს მიზნად.

სამუშაო ჯგუფმა, რომელსაც ქალთა საინფორმაციო ცენტრი ხელმძღვანელობს, გენდერული თანასწორობის კანონში შესატანი საკანონმდებლო ცვლილების პაკეტი შეიმუშავა. ცვლილებები თვითმმართველობებში გენდერული თანასწორობის საბჭოს შექმნას გულისხმობს, რაც ადგილობრივი თვითმმართველობების ჩართულობას გააძლიერებს.

საქართველოს სოფლის მეურნეობის სამინისტრომ და მისმა სამეცნიერო კვლევითმა ცენტრმა, გაეროს სურსათისა და სოფლის მეურნეობის ორგანიზაციის (FAO) მხარდაჭერით სათესლე მასალების შესახებ საქართველოს კანონპროექტის განხილვა მოაწყო. მონაწილეობდნენ სოფლის მეურნეობის სამინისტროს, სამეცნიერო კვლევითი ცენტრის, სურსათის ეროვნული სააგენტოს, პარლამენტის აგრარული კომიტეტისა და სოფლის მეურნეობის სფეროში მოღვაწე დონორი, საერთაშორისო და ადგილობრივი ორგანიზაციების წარმომადგენლები, ასევე თესლის წარმოებაში ჩართული კერძო პირები. 

დღეს, „მერის სათათბირო ორგანოს – ახალგაზრდული საბჭოს“ წევრები პლატონ კალმახელიძეს შეხვდნენ. მათ ქალაქის მერს საკუთარი ინიციატივები გააცნეს.

განათლებისა და მეცნიერების მინისტრმა თამარ სანიკიძემ თელავში შეხვედრა გამართა, რომელსაც სახელმწიფო უნივერსიტეტის პროფესორები, კახეთის რეგიონის საგანმანათლებლო რესურსცენტრების ხელმძღვანელები და სკოლის დირექტორები, ქალაქის მერი და კახეთის გუბერნატორი ესწრებოდნენ.

საქართველოს ვიცე პრემიერმა/ენერგეტიკის მინისტრმა კახა კალაძემ, სსიპ ნავთობისა და გაზის სააგენტოს უფროსმა გიორგი ტატიშვილმა, კახეთის გუბერნატორმა და შპს „ნინოწმინდის ნავთობკომპანიის“ წარმომადგენელმა საქართველოში კლიფორდ აიზეკმა საგარეჯოს მუნიციპალიტეტში სოფელ მანავის ტერიტორიაზე მდებარე ნავთობის საძიებო ჭაბურღილი „მანავი-13“ დაათვალიერეს. 

საქართველოს საგარეო საქმეთა სამინისტროს ინფორმაციით, ტურისტების შემოსვლა მარტივდება. მინისტრის თამარ ბერუჩაშვილის თქმით, დაწყებული პროცესი ინვესტიციების გაზრდასა და ტურიზმის განვითარებას შეუწყობს ხელს.

თელავში ვახო მოსიაშვილის ახალი წიგნის, “მე (შენ) ქრისტე ხარ”, პრეზენტაცია აპრილში გაიმართება.

თელავში აღმაშენებლის გამზირზე, გუშინ მომხდარ ავტოავარიას 21 წლის მამაკაცი ემსხვერპლა. თვითმხილველების თქმით, “მერსედესის” მარკის ავტომანქანა და მოტოციკლი ერთმანეთს შეეჯახნენ, რის შემდეგაც მოტოციკლის მძღოლმა მართვა დაკარგა და ბოძს შეეჯახა.

 27.03.15. 18.11. სოფელ გურჯაანის საჯარო სკოლა შეუერთდა მსოფლიო „ფრანკოფონიის კვირეულს“, რომელიც  საფრანგეთის საელჩოს, შვეიცარიის კონფედერაციის საელჩოსა და საქართველოს ფრანგული ინსტიტუტის  ორგანიზებით  ტარდება თბილისსა და საქართველოს სხვადასხვა რეგიონში.