ახალი ამბები

საქართველოში რუსეთთან დამაკავშირებელი კიდევ ერთი გზის მშენებლობას ახალი საფრთხეების შექმნის შესაძლებლობად აფასებენ. ოპოზიცია აღნიშნულ მასშტაბურ სამშენებლო პროექტს „კახეთის ცხინვალიზაციის“ რეალურ საფრთხედ აღიქვამს, მთავრობის წევრების გარკვეული ნაწილი კი საუბრობს ქვეყნის ეკონომიკური წინსვლის შესაძლებლობაზე.

კონკურსი სამ ეტაპს საბუთების გადარჩევას, ტესტირებას და გასაუბრებას მოიცავს. დაინტერესებულ პირებს განაცხადის წარდგენა საჯარო სამსახურის ბიუროს ადმინისტრირებულ ვებ გვერდზე www.hr.gov.ge 18 დეკემბრამდე შეუძლიათ.

რქეოლოგიურ ფენებში სპეციალისტებმა ქვის უძველეს არტეფაქტებს და პრეისტორიული ცხოველების ნაშთებს მიაკვლიეს. არქეოლოგიური გათხრების შედეგად ნაპოვნი 5 ხელუხლებელი გეოლოგიური და კულტურული ფენა ამ ტერიტორიაზე მოსახლე პირველყოფილი ადამიანის შესახებ უნიკალურ ინფორმაციას იძლევა.

ფეხით მოსიარულეთათვის ჯარიმა 80 ლარი იქნება, სახლიდან ნარჩენების გადაყრისთვის – 100, მანქანიდან გადაგდების შემთხვევაში კი 120 ლარი.  თუ ნაგვის ოდენობა ორ კილოგრამს აღემატება, ჯარიმის ოდენობაც გაიზრდება. 50 ლარით კი ის მოქალაქები დაჯარიმდებიან, რომლებიც საკუთარი შინაური ცხოველების ფეკალიებს ქუჩაში დატოვებენ.

დედოფლისწყაროს მუნიციპალიტეტში გარემოვაჭრეები დახმარებას ითხოვენ. მათი თქმით, ადგილობრივი თვითმმართველობის წარმომადგენლები გარევაჭრობის ნებას არ აძლევენ.

“ადგილობრივი თვითმმართველობის კოდექსში” შესული ცვლილებების თანახმად, რომელიც თვითმმართველობებს აპარატებში შტატების დამატებისა და საშტატო ერთეულების გაზრდის შესაძლებლობას აძლევს, თელავის მუნიციპალიტეტის გამგეობასა და საკრებულოში დაემატება 45 შტატი, რომელზეც ვაკანსია 11 დეკემბერს გამოცხადდა. 

ყვარლის მუნიციპალიტეტში ლიტერატურული მარათონი გაიმართა, რომელიც კულტურის, ტურიზმის, ძეგლთა დაცვისა და ახალგაზრდობის საქმეთა სამსახურის ინიციატივით ჩატარდა. 

საქართველოში სახელმწიფო უნივერსიტეტების 21 ფაკულტეტზე სწავლა უფასო გახდა. როგორც საქართველოს განათლებისა და მეცნიერების სამინისტროში აცხადებენ, სწავლის გადასახადს უწყება დააფინანსებს.

პარლამენტში “ნარჩენების მართვის კოდექსში” შესატან ცვლილებებს განიხილავენ, რომლის მიხედვითაც, ნარჩენების სფეროში სამართლებრივი საფუძვლები უნდა განისაზღვროს. 

ეროვნულმა ბანკმა დოლართან მიმართებაში ლარის ახალი გაცვლითი კურსი დაადგინა. სებ-ის ინფორმაციით, 11 დეკემბერს 1 დოლარი 1.8918 ლარი ეღირება, რაც 10 დეკემბრის მაჩვენებელზე 0.0347 ლარით ნაკლებია.
დღეს ლარი დაახლოებით 3 პუნქტით გამყარდა.