სოფელ შალაურში, სასტუმრო „ქვევრები“ სექტემბერში გაიხსნება

მიმდინარე წლის სექტემბერში, თელავის მუნიციპალიტეტის სოფელ შალაურში, სასტუმრო „ქვევრები“ გაიხსნება.

„ქვევრები“ სამსართულიან, 17-ნომრიან სასტუმროს, 20 ქვევრის ტიპის ოთახს, საკონფერენციო დარბაზს, რესტორანს, ბარს, ტერასას და ღია აუზს გააერთიანებს. კომპლექსი 3 ჰექტარზე განთავსდება და ადგილზე სასტუმროს გარდა, ნახევარ ჰექტარზე ვენახი გაშენდება.

სასტუმრო მაღალ სეგმენტზე იქნება გათვლილი, რადგან ევროპული სტანდარტების შესაბამისად კეთდება.

ცნობისთვის, სასტუმრო 3 ჰექტარ ფართობზე შენდება. მისი ყველა ნომრიდან, მათ შორის, ქვევრებიდან კავკასიონის ხედი იშლება. სასტუმროს მშენებლობა „აწარმოე საქართველოში“ მხარდაჭერით ხორციელდება. აღსანიშნავია, რომ სასტუმრო მინიმუმ 30 ადამიანს დაასაქმებს.

ნახეთ ამავე თემაზე: 

თელავში სასტუმრო ,,ქვევრის” მშენებლობა შემოდგომაზე დასრულდება

რა ეტაპზეა შალაურში ქვევრის ფორმის კოტეჯების და სასტუმროს მშენებლობის პროცესი- ფოტორეპორტაჟი

სოფელ შალაურში სასტუმრო და ქვევრის ფორმის კოტეჯები წლის ბოლოს გაიხსნება

სოფელ შალაურში ქვევრის ფორმის კოტეჯები და სასტუმრო შენდება