ახალი ამბები

რამდენიმე დღის წინ ყვარელიდან გაუჩინარებული 19 წლის გიორგი მამულაშვილი ჩამომხრჩვალი იპოვეს. სამართალდამცავები და ოჯახის წევრები ახალგაზრდას 4 დღის მანძილზე ეძებდნენ, რომელიც დღეს ყვარლის ტყეში იპოვეს.

ცნობილი ქართველი კინორეჟოსორი რეზო ჩხეიძე გარდაიცვალა. რეზო ჩხეიძე დაიბადა 1937 წელს დახვრეტილი ცნობილი მწერლის დავით ჩხეიძის ოჯახში. 

ფინანსთა სამინისტროს საგამოძიებო სამსახურმა ქრთამის აღების ფაქტზე „ეროვნული სატყეო სააგენტოს“ კახეთის სატყეო სამსახურის თანამშრომელი გიორგი ჩომახაშვილი დააკავა. 

თელავთან დამეგობრებული გერმანიის ქალაქ ბიბერახის დაფინასებით, თელავის სახანძრო-სამაშველო სამსახურს 2 ახალი მანქანა გადაეცა. 
თელავის ვიცე-მერის, თენგიზ მთვარელიშვილის თქმით, გერმანიის მხარის დახმარებით სახანძრო სამსახურის ავტოპარკი უკვე მეორედ განახლდა. 

კახეთის რეგიონში, დღეიდან 12 მაისამდე ნალექიანი ამინდი შენარჩუნდება. მომდევნო დღეების განმავლობაში, სინოპტიკოსები აღმოსავლეთ საქართველოში ტემპერატურის ვარდნას პროგნოზირებენ.

საქართველოს ეროვნულმა ბანკმა ლარის ოფიციალური გაცვლითი კურსი დაადგინა, რომლის მიხედვით, ეროვნული ვალუტის კურსი დოლართან მიმართებაში მცირედით გამყარდა. კერძოდ, დღეიდან ერთი დოლარის შეძენა 2.3303 ლარად იქნება შესაძლებელი.

ხვალ, 3 მაისს, კახეთში, მსოფლიო მარათონთან დაკავშირებით, თიანეთი-ახმეტა-ყვარელი-ნინიგორის გარკვეულ მონაკვეთზე მტრანსპორტის გადაადგილება შეიზღუდება.

სიღნაღში სავაჭრო ობიექტების დახურვასთან ერთად, იხურება საოჯახო ტიპის სასტუმროებიც. მუნიციპალიტეტში ტურიზმის საინფორმაციო ცენტრის წარმომადგენელი ნანა კურაშვილი აცხადებს, რომ ბოლო პერიოდში,სეზონურობიდან გამომდინარე და ვიზიტორების შემცირების გამო, ქალაქში 5 სასტუმრო დაიხურა. მისი თქმით, სასტუმროს მფლობელები მძიმე ფინანსურ მდგომარეობაში ჩავარდნენ.

სიღნაღის მუნიციპალიტეტის სოფელ იორმუღანლოში ტრაგიკულად გარდაცვლილი ხანუმ ჯეირანოვას მამას ზაჰიდ ჯეირანოვს, სიღნაღის რაიონულმა სასამართლომ 250 ლარის ოდენობის ადმინისტრაციული ჯარიმა დააკისრა. 

გურჯაანის მუნიციპალიტეტის სოფელ ჭანდრის საჯარო სკოლის მოსწავლე, თენგიზ ნაცვლიშვილი მკლავჭიდში საქართველოს ჩემპიონი გახდა. 
თბილისში გამართულ საქართველოს ჩემპიონატზე, სპორტსმენმა 70 კილოგრამ წონით კატეგორიაში იასპარეზა და გაიმარჯვა.