ახალი ამბები

სტატისტიკის ეროვნული სამსახურის ინფორმაციით, 2014 წლის IV კვარტალში, წინასწარი მონაცემებით, რძის წარმოებამ 118.6 მლნ ლიტრი შეადგინა.
აღნიშნული მაჩვენებელი წინა წლის ამავე პერიოდთან შედარებით 7.3 პროცენტით მეტია. 

ყვარელში გენდერული თანასწორობის საკითხებზე სემინარი – “უსაფრთხოების სექტორში გენდერული თანასწორობის და ქალების, მშვიდობისა და უსაფრთხოების პრინციპების ინტეგრირება” გაიმართა, რომელიც თავდაცვის მინისტრის პირველმა მოადგილემ, გოჩა რატიანმა ოფიციალურად გახსნა. 
მინისტრის მოადგილემ საუბრისას ყურადღება თავდაცვის უწყებაში გენდერულ თანასწორობაზე გაამახვილა.

თელავის რაიონულ სასამართლოში, ხვალ, გიორგი სიბაშვილის საქმის განხილვა 11:00 საათზე დაიწყება.

ლარის ოფიციალური გაცვლითი კურსის ცვლილებამ ერთ დღეში 0.0633 ლარი შეადგინა. საქართველოს ეროვნულმა ბანკმა ლარის ახალი ოფიციალური გაცვლითი კურსი დაადგინა.

გურჯაანში, პარტია “გაერთიანებული დემოკრატიული მოძრაობის” კახეთის რეგიონული ორგანიზაციის ხელმძღვანელმა, ვალერი შოშიაშვილმა, პრესკონფერენცია გამართა.  შეხვედრა შეეხებოდა ნეპოტიზმის თემას კახეთის რეგიონის თვითმმართველობებში.

სიღნაღის მუნიციპალიტეტში სეტყვის საწინააღმდეგო სისტემის მშენებლობა მიმდინარეობს. ზემოქმედების წერტილები-ანაგის, საქობოს, ძველი ანაგის, ყარაღაჯი-ქვემო მაჩხაანის, ბოდბისხევის, ზემო მაღაროს, ქვ.მაღაროს, ქვ. ბოდბის და ილიაწმინდის ტერიტორიებზე განთავსდება.

ამ წუთებში, თელავის ცენტრალურ ქუჩებზე საავტომობილო მოძრაობა შუზღუდულია. მიზეზი გამგეობის მიმდებარე ტერიტორიაზე მიმდინარე ინფრასტრუქტურული სამუშაოებია. 

წელს აგროდაზღვევის საპილოტე პროგრამის ბიუჯეტი 10 მილიონი ლარით განისაზღვრა. სოფლის მეურნეობის სამინისტროს ინიციატივით, პროგრამას წელსაც სოფლის მეურნეობის პროექტების მართვის სააგენტო განახორციელებს. 

სიღნაღის მინიციპალიტეტის სოფელ მაშნაარში, გაზგასამართი სადგური გაძარცვეს. ადგილობრივების ინფორმაციით, შეიარაღებული ნიღბიანი მამაკაცი სადგურის მორიგეს თავს გვიან ღამით დაესხა და 2800-ს ლარამდე თანხა გაიტაცა.

ახმეტის მუნიციპალიტეტის სოფელ ყვარელწყალში არსებულ საზოგადოებრივ ცენტრში, ადგილობრივ მოსახლეობას ნოტარიუსი უკვე დღიდან მოემსახურება.