ახალი ამბები

პოლიციისთვის წინააღმდეგობის გაწევის ბრალდებით ლაგოდეხის მუნიციპალიტეტის საკრებულოს წევრი კ.ყ. დააკავეს. ფაქტს ადასტურებს შინაგან საქმეთა სამინისტროც.

გურჯაანისა და საგარეჯოს მუნიციპალიტეტის რამდენიმე სოფელს, ხვალ, ენერგომომარაგება დროებით შეეზღუდება.

სს,,სახელმწიფო ელექტროსისტემის”მიერ ქ/ს ,,დ/წყაროში” დაგეგმილია პროფილაქტიკური სამუშაოები, რის გამოც, ხვალ, 27 მაისს, 11-დან 14 სთ-მდე, ენერგომომარაგება შეუწყდება ქ.დედოფლისწყაროსა და სოფელ ჯაფარიძეს.

თელავის თეატრში, 29 და 30 მაისს, ჩატარდება სპექტაკლი “დათვი და ხელის თხოვნა”. თეატრალური სტუდიის მსახიობები თეატრთან ერთად პირველ ერთობლივ ნამუშევარს წარადგენენ.

ახმეტის მუნიციპალიტეტის სოფელ ჭართალაში, ილტოს ხეობაში, გაიმართა პოეზიის ფესტივალი “ლექსობა-კაფიაობა ილტოს პირას”. ფესტივალში მონაწილეობა მიიღეს მოლექსეებმა, მომღერლებმა და ფოკლორულმა ანსამბლებმა „დები გოგოჭურები“, „ბახტრიონი“ და კესელო“. 

ახმეტის მუნიციპალიტეტის საკრებულო თავმჯდომარის გელა ჯუგაშვილის განცხადებით, ორი კვირის წინ მომხდარი სტიქიის შედეგად რაიონს და მის სოფლებს 420 000 ლარამდე ინფრასტრუქტურული ზარალი მიადგა. 

თელავში, ერეკლე მეორეს მოედანზე, დამოუკიდებლობის დღის საზეიმოდ აღნიშვნის მზადება მიმდინარეობს. ამ დროისათვის სხვადასხვა უწყება აწყობს საკუთარ პავილიონებს, სადაც ისინი დამთვალიერებლებს თავიანთი პროექტების პრეზენტაციას წარუდგენენ. 

ყვარლის მუნიციპალიტეტში ლიტვიდან პლუნგეს მუნიციპალიტეტის დელეგაცია იმყოფება. ექვს დღიანი სამუშაო ვიზიტის ფარგლებში დაგეგმილია სხვადასხვა კულტურული და საქმიანი ღონისძიების ჩატარება. 

შსს-ს ცენტრალური კრიმინალური პოლიციის დეპარტამენტის კახეთის სამხარეო სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად თელავის მუნიციპალიტეტის გამგეობის ზედამხედველობის სამსახურის მთავარი სპეციალისტი ზ.ბ. და მერიის სასპორტო გაერთიანების მასწავლებელი შ.ბ. დააკავეს. 

თელავში, სოფელ კისისხევში, აგრარულ საკითხთა კომიტეტმა ღვინის კომპანია „შუხმან ვაინს ჯორჯიაში“ შეხვედრა გამართა. საუბრისბ თემას წარმოადგენდა „ვაზისა და ღვინის შესახებ“ საქართველოს კანონში დაგეგმილი ცვლილებების განხილვა.