ახალი ამბები

2015 – 2018 წლებში მუნიციპალიტეტის სტრატეგია მოიცავს ადგილობრივი ინფრასტრუქტურის განვითარებას, სოციალური პირობების გაუმჯობესებას, ჯანსაღი ცხოვრების წესის დანერგვას და სკოლამდელი განათლების ხელშეწყობას

ამ წუთებში, თელავის სახელმწიფო უნივერსიტეტში, რექტორის მოვალეობის შემსრულებლის არჩევნები მიმდინარეობს. 
თესაუს საზოგადოებასთან ურთიერთობის სამსახურში აცხადებენ, რომ არჩევნებში მონაწილეობას მხოლოდ ერთი კანდიდატი, რექტორის მოადგილე, ირმა შიოშვილი იღებს. 

„თავისუფალი ტურისტული ზონების განვითარების შესახებ“ კანონში შესატან ცვლილებებზე მუშაობა გრძელდება. კანონპროექტს საქართველოს ეკონომიკის სამინისტრო პარლამენტში საგაზაფხულო სესიაზე შეიტანს.

ხვალ, 13:00 საათიდან 14:30 საათამდე, თელავის ნაწილს ელექტროენერგიის მიწოდება შეუწყდება. ენერგომომარაგების შეზღუდვის მიზეზი 10 კილოვოლტიან ელექტროგადამცემ ხაზ „თელავი–2“ ზე ჩასატარებელი სარემონტო სამუშაოებია. 

კახეთის საინფორმაციო ცენტრმა ნომინაციაში ყველაზე ინფორმაციული სააგენტო „ევროკავშირის პრიზი“ მიიღო.
ნომინაციაში – საუკეთესო საგამომძიებლო სტატია ან ნარკვევი ბეჭდვით ან ონლაინ მედიაში განკუთვნილი პრიზი სოფო აფციაურმა და თათია ხალიანმა გაიმარჯვეს, ჟურნალ „ლიბერალში“ გამოქვეყნებული მასალისთვის „შრომა გადარჩენისთვის“.

გურჯაანის მუნიციპალიტეტის გამგეობა საახალწლოდ კონცერტის ჩატარებას აღარ გეგმავს. გამგეობაში აცხადებენ, რომ 18 ათასი ლარი, რომელიც საახალწლოდ ღონისძიებების ჩასატარებლად იყო გამოყოფილი, სოციალურ სფეროს დაემატა. 

თელავის მერმა, პლატონ კალმახელიძემ, 2014 წელს სხვადასხვა სფეროში წარმატებულ ახალგაზრდებს, მადლობის სიგელები და სიმბოლური საჩუქრები გადასცა.

ქალაქ თელავის მუნიციპალიტეტის 2015 წლის ბიუჯეტის საჯარო განხილვა გაიმართა. თელავის ვიცე-მერის, თენგიზ მთვარელიშვილის თქმით, 2015 წლის ბიუჯეტი 8 464,0 ათასი ლარით განისაზღვრა.

კაჭრეთში, საზოგადოებრივ კოლეჯ „აისში“, ექსპერტმა სოფლის მეურნეობის საკითხებში, დავით თამარაშვილმა მეღვინისა და მევენახე-მეღვინის სპეციალობის სტუდენტებისათვის მასტერკლასი ჩაატარა. 

შსს-ს გადაუდებელი დახმარების ოპერატიული მართვის ცენტრი, 2015 წლის გაზაფხულიდან შშმ პირებისათვის 112-ზე წვდომის უზრუნველყოფას გეგმავს.