ახალი ამბები

თელავში, საპარლამენტო უმცირესობის ლიდერი დავით ბაქრაძე მოსახლეობას შეხვდა. იგი, თელავის აგრარულ ბაზარში იმყოფებოდა, სადაც მოვაჭრეებთან და დაინტერესებულ მოქალაქებთან რეგიონში არსებულ პრობლემებზე ისაუბრა. 

ახმეტის მუნიციპალიტეტის სოფელ არგოხში კულტურის სახლი აღდგა. კულტურის სახლის აღდგენა საქართველოში შვეიცარიის საელჩოს, ახმეტის მუნიციპალიტეტის, კავშირი “მომავლის მიწა” და ადგილობრივი მოსახლეობის დახმარებით განხორციელდა. 

საქართველოს მართლმადიდებელი ეკლესია პირველ ივნისს მოციქულთა სწორის, წმინდა ნინოს საქართველოში შემოსვლას აღნიშნავს. ამ დღესთან დაკავშირებით ტაძრებში სადღესასწაულო წირვა-ლოცვა შესრულდება.

სოფელ კისისხევის “კარგ სახლში” ინგლისური ენის შემსწავლელი კურსი დაიწყო. 

წუხელ გვიან ღამით, კავკასიონის ქუჩაზე, თელავში 34 წლის მამაკაცი მოკლეს. გავრცელებული ინფორმაციით, ვალერი ვარშალომიძე მაღაზიაში სიგარეტის საყიდლად ჩავიდა, რა დროსაც ესროლეს.

მართლმადიდებელი სამყარო ხვალ, 31 მაისს, სულთმოფენობის დღესასწაულს აღნიშნავს. ამასთან დაკავშირებით ტაძრებში სადღესასწაულო ღვთისმსახურება აღევლინება. ამ დღეს მორწმუნეები ტაძარებში ყვავილებითა და სანთლებით მიდიან. 

წნორში, ხვალ, 31 მაისს, ფესტივალი “ქიზიყური გაზაფხული” გაიმართება.

კახეთში რეგიონში 7 ივნისამდე არამდგრადი ამინდი შენარჩუნდება. სინოპტიკოსების განცხადებით, ხვალ, დღის მეორე ნახევარში მოსალოდნელია ხანმოკლე წვიმა ელჭექით, აღმოსავლეთ საქართველოს ზოგიერთ რაიონში შესაძლებელია სეტყვაც. ძლიერი წვიმებია მოსალოდნელი მაღალმთიან რაიონებში. 

ლაგოდეხში აგროდაზღვევის პროგრამაში ჩართულ ბენეფიციარებს ზარალი აუნაზღაურდებათ. სოფლის მეურნეობის პროექტების მართვის სააგენტოს პროგრამის აგროდაზღვევის მენეჯერი ლევან მაღრაძე და სადაზღვევო კომპანია ,,ალდაგის“ წარმომადგენლები, ლაგოდეხში, სოფელ ჭაბუკიანში მცხოვრებ სტიქიით დაზარალებულ რომან მიხეილიძეს შეხვდნენ და განადგურებული საზამთროს ბაღი დაათვალიერეს. 

გურჯაანის მუნიციპალიტეტში, სოფელ ჭანდარში ავარიის შედეგად მცირეწლოვანი ბავშვი მძიმედ დაშავდა.