ახალი ამბები

თბილისში, ინგოროყვას კლინიკაში მოთავსებული ავტოსაგზაო შემთხვევის შედეგად დაშავებული სამხედრო მოსამსახურეებიდან ერთის მდგომარეობა მძიმეა, სამის კი სტაბილური. როგორც კლინიკაში აცხადებენ, ერთი პაციენტი, რომლის მდგომარეობაც მძიმეა, რენიმაციულ განყოფილებაშია, ორი მათგანი ნეიროქირურგიის განყოფილებაშია და მათი მდგომარეობა სტაბილურია, კიდევ ერთი სამხედრო თორაკო ქირურგიულ განყოფილებაშია და მისი მდგომარეობაც სტაბილურია.

დღეს, სიღნაღში,12:00 საათზე, ღვინის ფესტივალი გაიხსნება.

ღონისძიება ქალაქში მეცხრე წელია ტარდება და ტრადიციულ ხასიათს ატარებს. 

„ქართული ოცნება-დემოკრატიული საქართველოს“ გურჯაანის ოლქის მაჟორიტარი დეპუტატობის კანდიდატი დავით სონღულაშვილი 21 ოქტომბერს, სოფელ ბაკურციხის მოსახლეობას შეხვდა და კარდაკარ რადენიმე ოჯახიც მოინახულა.

შინაგან საქმეთა სამინისტროს ინფორმაციით, დედოფლისწყარო-სიღნაღი-თბილისის დამაკავშირებელ ავტომაგისტრალზე, სოფელ ბოდბეს მიმდებარე ტერირიტორიაზე, ჯარისკაცებით სავსე სამხედრო მანქანის გადაბრუნების საქმეზე გამოძიება საქართველოს სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.

წნორის კლინიკაში მოთავსებული 8 სამხედრო მოსამსახურის მდგომარეობა სტაბილურია. 

თავდაცვის მინისტრი ლევან იზორია დედოფლისწყაროში ჩავიდა.

დედოფლისწყაროს მუნიციპალიტეტის გამგებლის, ნიკა ჯანიაშვილის ინფორმაციით, სოფელ ბოდბესთან მომხდარი ავტოსაგზაო შემთხვევის შედეგად დაშავებული 28 ადამიანი დედოფლისწყაროს საავადმყოფოშია გადაყვანილი, 7 კი – წნორში.

დაშავებული ჯარისკაცების სიცოცხლეს საფრთხე არ ემუქრება. გამგებლისვე განმარტებით, წნორის საავადმყოფოში 7 პირის გადაყვანა პროფილაქტიკური მიზნით მოხდა. 

დედოფლისწყარო-სიღნაღი-თბილისის დამაკავშირებელ ავტომაგისტრალზე, სოფელ ბოდბეს მიმდებარე ტერირიტორიაზე, ,,კამაზის“ მარკის სამხედრო ავტომობილი ამოტრიალდა, რომლშიც ჯარისკაცები იმყოფებოდნენ. 

არასამთავრობო ორგანიზაცია “სამართლიანმა არჩევნებმა“ გამოაქვეყნა საქართველოს მე-8 მოწვევის პარლამენტის მაჟორიტარული სისტემით არჩეული წევრების საქმიანობის ანგარიშის მონაცემები.

გურჯაანის მუნიციპალიტეტის სოფელ კაჭრეთში სათემო ლიდერთა ფორუმი გაიმართა.