ახალი ამბები

სოფლის მეურნეობის სამინისტრომ 2015-2020 წლების სოფლის მეურნეობის განვითარების სტრატეგია შეიმუშავა. სოფლის მეურნეობის განვითარების სტრატეგიული ხედვის განსახორციელებლად განსაზღვრულია 7 სტრატეგიული მიმართულება და შესაბამისი ღონისძიებები, რომელთა მიხედვით შემუშავდება კონკრეტული სამოქმედო გეგმა – პრიორიტეტების, განხორციელების ვადების და დაფინანსების წყაროების გათვალისწინებით. 

გურჯაანის მუნიციპალიტეტის გამგეობაში კონკურსის წესით შერჩეულ თანამშრომელთა ნაწილი გამოსაცდელი ვადით მიიღეს. როგორც გამგეობის იურიდიულ სამსახურში აცხადებენ, გამოსაცდელი ვადა იმ ახალ თანამშრომლებს შეეხოთ, რომელთაც უწყებაში მუშაობის გამოცდილება არ აქვთ.

თელავში, კახეთის რეგიონული არქივის შენობა, საქართველოს იუსტიციის მინისტრმა, თეა წულუკიანმა დღეს გახსნა.  შენობას, რომლის საერთო ფართი 2500 მ2 – ია სრული რეკონსტრუქცია ჩაუტარდა. სამსართულიან შენობაში საცავებს საერთო ფართის – 1328 მ2-ი უკავია. აღნიშნული შენობის რეაბილიტაციაზე – 1 500 000-მდე ლარი დაიხარჯა. უწყების სარეკონსტრუქციო სამუშაოები გასული წლის ივნისში დაიწყო და 1 თვის წინ დასრულდა.

კანონპროექტის მიზანი, მთიანი რეგიონების განვითარებაა. მთავრობაში აცხადებენ, რომ სპეციალურად შექმნილი სამუშაო ჯგუფი რამდენიმე თვეა მუშაობს. მათივე თქმით, ხელისუფლება გარკვეული შეღავათებისა და მთის მოსახლეობისთვის წამახალისებელი ნაბიჯების გადადგმას აპირებს.

კახეთში ნალექი ხვალაც შენარჩუნდება, ამაღამ ყინვა -2 გრადუსი დაფიქსირდება, დღისით +5 გრადუსი სითბო იქნება. 19-20 თებერვალს ღამით -4 გრადუსი ყინვა, დღისით +3 გრადუსი სითბო შენარჩუნდება. 

კახეთის რეგიონში ელექტროგადამცემ ხაზებსა და ქვესადგურებში რეაბილიტაციის პროექტი მიმდინარეობს. 35 კვ.იან ელექტროგადამცემ ხაზზე „აფენი“, წარმატებით დასრულდა ელექტროგადამცემი ხაზის 500 მ-იანი საჰაერო მონაკვეთის კაბელით შეცვლის პროექტი, რომელიც მდინარე ალაზანის მოძრავი კალაპოტის გამო შექმნილი საფრთხის თავიდან ასაცილებლად განხორციელდა და ლაგოდეხის რაიონისთვის ელექტროენერგიის შეუფერხებელ მიწოდებას უზრუნველყოფს.

ლაგოდეხში, მუნიციპალიტეტის საკრებულოს სხდომა პარტია „გაერთიანებული დემოკრატიული მოძრაობის“ წარმომადგენლებმა პროტესტის ნიშნად დატოვეს.

თელავში, სასოფლო-სამეურნეო მიწების მარეგულირებელ საკანონმდებლო ინიციატივასთან დაკავშირებით დისკუსია გაიმართა. შეხვედრა, არასამთავრობო ორგანიზაციების ,,ქართული მიწის დაცვის კომიტეტისა’’ და ,,მებრძოლ -პატრიოტთა კავშირის’’ ინიციატივით, დემოკრატიული ჩართულობის ცენტრში,  გაიმართა.

თელავის მუნიციპალიტეტის გამგეობა 40 ვაკანტურ ადგილზე კონკურსს ხელახლა მარტში გამოაცხადებს.

თელავში დღეს იუსტიციის მინისტრი თეა წულუკიანი, ეროვნული არქივის გენერალური დირექტორი თეონა იაშვილი და თელავის მაჟორიტარი დეპუტატი გელა სამხარაული, იუსტიციის სამინისტროს ეროვნული არქივის ტერიტორიული ორგანოს – კახეთის რეგიონული არქივის შენობას გახსნიან.