ახალი ამბები

თელავში მიმდინარეობს გამოფენა “ძველი ქალაქების თანამედროვე იერსახე”, რომელსაც ნიდერლანდების ინსტიტუტი აფინანსებს. პროექტის მიზანია, გამოავლინოს სხვადასხვა ქალაქის, ისტორიული ძეგლის, მათი მდგომარეობისა და ცვლილების ასახვა ფოტოებში. 

ადგილობრივი თვითმმართველობის კოდექსში ცვლილებები შედის. ნებისმიერ პირს უფლება ექნება, წინასწარი შეტყობინების, ან ნებართვის გარეშე საკრებულოს და საკრებულოს კომისიის ღია სხდომებს დაესწროს. 

ქალაქ თელავის მერიამ 101 წლის უხუცეს თელაველ ქალბატონს სონა გულმაგარაშვილს, იუბილე მიულოცა. მერის მოადგილემ, ლევან ლილუაშვილმა ქალბატონს ყვავილები და 200-ლარიანი ვაუჩერი გადასცა.

გახშირებული ავტოსაგზაო შემთხვევები – რა მიზეზით ხდება ავარიები კახეთში – ამ საკითხზე დღეს ინფრასტრუქტურისა და რეგიონალური განვითარების სამინისტროს საგზაო დეპარტამენტის მხარდაჭერით ფონდმა პარტნიორობა საგზაო უსაფრთხოებისთვის სოფელ გურჯაანის სკოლის მოსწავლეებისთვის ტრენინგი ჩაატარა.

12 ივლისის ჩათვლით სინოპტიკოსები კახეთში პერიოდულად ხანმოკლე წვიმებს ვარაუდობენ. გარემოს ეროვნული სააგენტოს მონიტორინგისა და პროგნოზირების ცენტრში აცხადებენ, რომ დღეიდან აღმოსავლეთ საქართველოს ზოგიერთ რაიონებში ხანმოკლე წვიმა და ელჭექია მოსალოდნელი.

გარემოსდამცველების მიერ ბოლო სამი წლის მონიტორინგის განმავლობაში პირველად მოხერხდა ქურციკების გამრავლების დამადასტურებელი ფოტოების გადაღება. ფოტოზე აღბეჭდილია მდედრი ქურციკი პატარა ლიკლიკასთან ერთად.

3 ივლისს 11-დან 14 სთ-მდე გურჯაანის მუნიციპალიტეტის რამდენიმე სოფელს ელექტროენერგიის მიწოდება შეეზღუდება. სს ,,კახეთის ენერგოდისტრიბუციაში” აცხადებენ, რომ ელექტროენერგიის გათიშვის მიზეზი ქვესადგურ ,,გურჯაანი-110” -ში ჩასატარებელი სამუშაოებია.

წითელი ჯვრის საზოგადოება სტიქიის შედეგად დაზარალებულებს ფსიქო დახმარებას გაუწევს.  მოქალაქეები, ვისაც ამა თუ იმ ფორმით შეეხო სტიქიური უბედურება, ანდა შეხება ჰქონდა დაზარალებულებთან, კოორდინაციაში უნდა იყვნენ საქართველოს წითელი ჯვრის საზოგადოებასა და სხვა პროფესიულ ასოციაციებთან.

სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ ერთწლოვანი კულტურების კვლევის დეპარტამენტის მეცნიერ-თანამშრომლებთან, გულნარ ჩხუტიაშვილთან და ადოლ ტყეშელაშვილთან ერთად, კახეთის რეგიონში კვლევითი ცენტრის საცდელ-სადემონსტრაციო ნაკვეთებზე: საგარეჯო – სოფელი დუზაგრამა, გურჯაანი – სოფელი მელაანი, დედოფლისწყარო – სოფელი შავჭრელები, თელავი – სოფელი გულგულა და ახმეტა – სოფელი ხორხელი არსებული ხორბლის, ქერის, შვრიისა და ჭვავის ნათესების მონიტორინგი განახორციელა. 

თელავის მუნიციპალიტეტის სოფელ შალაურში ავტოსაგზაო შემთხვევის შედეგად გარდაცვლილი 16 წლის გიორგი კოზმანაშვილის ოჯახი, მომხდარში საპატრულო პოლიციას ადანაშაულებს.