ახალი ამბები

არჩევნების თარიღი – 8 ოქტომბერი, ალბათ, აღარ შეიცვლება, იმიტომ, რომ ჩვენ გვქონდა კონსულტაციები პრეზიდენტთან და ეს თარიღი განისაზღვრა შემდეგი არჩევნების თარიღად, – ამის შესახებ საქართველოს პრემიერ-მინსიტრმა გიორგი კვირიკაშვილმა ჟურნალისტებთან შეხვედრაზე განაცხადა.

მედია კომპანია „კახეთის ხმა“ აცხადებს კონკურსს ბლოგერების შესარჩევად. პროგრამაში მონაწილეობის მიღება შეუძლია ყველა საფეხურის სტუდენტს. ბლოგერების პროგრამის ხანგრძლივობაა ერთი წელი. 

გიორგი კვირიკაშვილი შეხვედრას საერთო-ეროვნული მაუწყებლების პოლიტიკური ტოქ-შოუების წამყვანებთან გამართავს.

საქართველოს სოფლის მეურნეობის სამინისტროს ინიციატივით შემუშავდა და მთავრობის სხდომაზე დამტკიცდა თხილის შესახებ ტექნიკური რეგლამენტი, რომელიც თხილის ექსპორტის, იმპორტის, ხარისხის და ეტიკეტირების საკითხებს დაარეგულირებს.

სოფლის მეურნეობის მინისტრის მოადგილე ლევან დავითაშვილი იტალიის სოფლის მეურნეობის სამინისტროსა და ადგილობრივი სამოქმედო ჯგუფის (LAG)  წარმომადგენლებს შეხვდა.

NDI-მ პოლიტიკური პარტიების კვლევა გამოაქვეყნა. კითხვაზე ხვალ, რომ საპარლამენტო არჩევნები იყოს რომელ პარტიას დაუჭერდით მხარს, – გამოკითხულთა 15% – კოალიცია “ქართულ ოცნებას”, 13% ნაციონალებს მისცემდა ხმას.

კითხვაზე, რომელი პარტია დგას თქვენს შეხედულებებთან ახლოს, 42 %-ის პასუხია – არცერთი, 14 % “ქართულ ოცნებას” უჭერს მხარს, 13 % კი “ნაციონალურ მოძრაობას”. “თავისუფალ დემოკრატებს” და “პატრიოტთა ალიანსს” 4-4 % აქვს. 

კითხვაზე, ხვალ რომ საპარლამენტო არჩევნები ტარდებოდეს, მიიღებდით თუ არა მონაწილეობას, გამოკითხულთა 66% აცხადებს, რომ სავარაუდოდ მიიღებს არჩევნებში მონაწილეობას, 34 % აცხადებს, რომ სავარაუდოდ არ წავა არჩევნებზე.

არასამთავრობო ორგანიზაცია “MOLI კახეთში” მეცხოველეობის დარგის განვითარების პროექტს იწყებს. 

საქართველოს პარლამენტის ეროვნული ბიბლიოთეკის საგამოფენო დარბაზში საფრანგეთში მცხოვრები თელაველი მხატვრის, ლევან მოსიაშვილის ნახატების პერსონალური გამოფენა ”Mon Amour” (”ჩემი სიყვარული”) გაიხსნა.