ახალი ამბები

კახეთის რეგიონში ხმის მიცემის პროცედურები მშვიდ გარემოში მიმდინაროებს. 

გურჯაანის #34 ჩალაუბნის საარჩევნო უბანზე ხმის მიცემის პროცესი დაგვიანებით დაიწყო. 

კახეთის რეგიონში, ამ დროისთვის ამომრჩველთა აქტივობა 6.9%–ია, რაც 20 977 ამომრჩეველს შეადგენს.

ადგილობრივი თვითმმართველობის არჩევნებში თელავის საარჩევნო ოლქში გადასატანი ყუთით 1229 ამომრჩეველი დააფიქსირებს საკუთარ არჩევანს. 

საქართველოში მცხოვრები ეთნიკური უმცირესობის წარმომადგენელი ამომრჩევლებისთვის, ბიულეტენები აზერბაიჯანულ და სომხურ ენებზე დაიბეჭდა. 

ცენტრალური საარჩევნო კომისიის ინფორმაციით, საარჩევნო უბნებზე მცირემხედველი ამომრჩევლები ისარგებლებენ გამადიდებელი ლინზით, ხოლო უსინათლო ამომრჩევლებისთვის განკუთვნილია ბიულეტენის შესავსები ჩარჩო ფორმა. 

დღეს, საარჩევნო უბანში მათ გადაეცემათ სამი სახის ბიულეტენი: ერთი – ცისფერი ბიულეტენი განკუთვნილია პროპორციული არჩევნებისთვის პარტიის ან საარჩევნო ბლოკის ასარჩევად, მეორე – ვარდისფერი ბიულეტენი – საკრებულოს მაჟორიტარი წევრის ასარჩევად, მესამე – ღია მწვანე ფერის ბიულეტენი – თვითმმართველი ქალაქის ან თვითმმართველი თემის მერის ასარჩევად.

დღეს საქართველოში მუნიციპალიტეტის წარმომადგენლობითი ორგანოს – საკრებულოსა და მერების არჩევნები იმართება. 

„წინანდლის პრემიის“ მოსაპოვებლად განაცხადების მიღება დღეს დაიწყო და 17 ნოემბრამდე გაგრძელდება. 

თელავის მუნიციპალიტეტის სოფელ კისისხევში მომხდარი უბედური შემთხვევის შედეგად 50 წლამდე მამაკაცი გარდაიცვლა.