გურჯაანში გარევაჭრობა აიკრძალება
გურჯაანის მუნიციპალიტეტის საკრებულოს გადაწყვეტილებით, მალე ქალაქში გარევაჭრობა აიკრძალება. მერიის იურიდიული და ზედამხედველობის სამსახურის უფროსის ინფორმაციით, გარემოვაჭრეებს ალტერნატიულ ფართში გადაიყვანენ. რამაზ ქიტიაშვილის განცხადებით, გარევაჭრობის აკრძალვა ადგილობრივი მოსახლეობის მოთხოვნას უკავშირდება.
“მოსახლეობის მოთხოვნაა, რომ გარევაჭრობა აიკრძალოს. ჩვენთვის მნიშვნელოვანია მოსახლეობის ინტერესების გათვალისწინება, ამიტომ საკრებულომ გარევაჭრობის აკრძალვასთან დაკავშირებით მიიღო გადაწყვეტილება. რეგულაცია ამოქმედდება მაშინ, როდესაც გარე მოვაჭრეებს ალტერნატიულ ფართში გადავიყვანთ”, – განაცხადა რამაზ ქიტიაშვილმა.
ავტორი: ნიკოლოზ ესიტაშვილი