პანკისის ხეობაში პირველი ხალხური ანსამბლის დამაარსებელი მაყვალა მარგოშვილი გარდაიცვალა

ბადი, 1937 წლის დეკემბერში, პანკისის ხეობაში, სოფელ დუისში დაიბადა. იგი 83 წლის ასაკში გარდაიცვალა. იგი დაქორწინებული იყო ბუღდან ბაღაკაშვილზე (1939-2001), რომელიც საერთაშორისო დონეზე აღიარებული იყო ძიუდოს, სამბოს და ჭიდაობას წამყვან სპორტსმენად. იგი იყო ვერცხლის მედლის მფლობელი 1966 წელს ძიუდოს მსოფლიო ჩემპიონატში პრაღაში, ჩეხეთში. ბადი ოთხი შვილის დედა და 9 შვილიშვილის და 5 შვილთაშვილის ბებია იყო. იგი დუისში, საკუთარ სახლში ცხოვრობდა, რომელიც 2000-იანი წლების დასაწყისიდან საერთაშორისო ტურისტების თავშესაფარი გახდა.

ადრეულ ასაკში ბადიმ სამედიცინო ტექნიკუმი დაამთავრა და დუისის საავადმყოფოში სასწრაფოს ექთნად მუშაობდა, მაგრამ მისი მოწოდება და გატაცება მსოფლიოში მშვიდობის დამყარება იყო. იგი აქტიურად ჩაერთო ჩეჩნეთისა და პანკისის ხეობაში მშვიდობის დამყარების მცდელობაში რუსეთ-ჩეჩნეთის სავალალო ომების და შემდეგ ლტოლვილთა კრიზისის დროს.
1999 წელს ბადიმ პანკისის ხეობაში დააარსა პირველი ხალხური ანსამბლი და მას “მარშუა კავკაზი” (მშვიდობა კავკასიაში) უწოდა.

იგი ასევე იყო ამავე სახელწოდების არასამთავრობო ორგანიზაციის დამფუძნებელი. ის ასევე ხელმძღვანელობდა ქალთა ფოლკლორულ ჯგუფს, რომელმაც ევროპის მრავალ ქვეყანაში ჩატარებულ საერთაშორისო მუსიკალურ ფესტივალებსა და კონცერტებზე სამშვიდობო სიმღერები შეასრულეს. ამ პლატფორმის საშუალებით, ბადი ხელს უწყობდა ჩეჩნური და ქისტური კულტურის გაცნობას და განიხილებოდა, როგორც პირველი ადამიანი, ვინც პანკისის ხეობაში ტურიზმის განვითარება დაიწყო. იგი მისაბაძი ადამიანი და შთაგონება იყო ყველა მათგანისთვის, ვინც დღეს ადგილობრივი ტურიზმის განვითარებაში მონაწილეობს.