როგორია ეპიდსიტუაცია კახეთის რეგიონში

კახეთში, ბოლო რამდენიმე დღის განმავლობაში, მკვეთრად იკლო კორონავირუსით დაინფიცირებულთა დღიურმა მაჩვენებელმა.

გუშინ რეგიონის მასშტაბით ვირუსით მხოლოდ 20 მოქალაქე დაინფიცირდა და მათი საერთო რაოდენობა 11 644- მდე გაიზარდა.
მუნიციპალიტეტების მიხედვით განახლებული ეპიდემიოლოგიური სტატისტიკა ასეთია:
ახმეტა-769, გურჯაანი-2714, დედოფლისწყარო -787, თელავი -2617, ლაგოდეხი – 1570, საგარეჯო -1407, სიღნაღი-827 და ყვარელი -953.

დაავადებათა კონტროლის ცენტრში განმარტავენ, რომ შემსუბუქებული შეზღუდვების ფონზე შემცირდა ინფიცირებულთა რაოდენობა.
ბოლო ინფორმაციით, რეგიონში მკურნალობის კურსს 154 ადამიანი გადის, მათ შორის 103 დატოვებულია ბინაზე სამკურნალოდ, ხოლო 51 იმყოფება კოვიდ – კლინიკაში. თვითიზოლაციაში 294 მოქალაქე რჩება, თვითიზოლაციიდან კი 32 მოიხსნა. რეგიონში ვირუსით 113 ადამიანი გარდაიცვალა.