სოფელ კისისხევში ეპიდკვლევა მიმდინარეობს

თელავის მუნიციპალიტეტის მერის წარმომადგენელი სოფელ კისისხევში ზურა გრძელიშვილი აცხადებს, რომ სოფლის ადმინისტრაციულ შენობაში მოსახლეობის მასიური ეპიდემიოლოგიური შემოწმება 3 დღის განმავლობაში გაგრძელდება.

“ჩვენ გავაფრთხილეთ მოსახლეობა იმის თაობაზე, რომ ვინც იმგზავრა 3–4–5 ოქტომბერს კისისხევი-თელავი-კისისხევის მიმართულებით, მოვიდნენ  ჩვენთან დილის 9 საათიდან საღამოს 6 საათამდე და ჩაიტარონ PCR ტესტი. სინჯები გაიგზავნება ლუგარის ლაბორატორიაში. სოფელში ასევე ტარდება თერმოსკრინინგი”,- განუცხადა knews.ge-ს  ზურა გრძელიშვილმა.

გავრცელებული ინფორმაციით, მამაკაცი უსიმპტომო პაციენტია. სამარშრუტო ავტომანქანა, სოფლიდან მუნიციპალიტეტის ცენტრის მიმართულებით, დღის განმავლობაში, რამდენიმე რეისს ასრულებს და მთლიანობაში, ორი სოფლის მოსახლეობას ემსახურება.

მარიამ ოქროცვარიძე