კაკლისყურე – ადგილი დედოფლისწყაროში სადაც განტვირთვას და დასვენებას შეძლებთ
კაკლისყურე, იგივე ჯუმას ყურე – ბუნების ძეგლი საქართველოში, მდებარეობს კახეთში, დედოფლისწყაროს მუნიციპალიტეტში, შედის ვაშლოვანის დაცული ტერიტორიების შემადგენლობაში.
საქართველოში მხოლოდ ამ ყურეშია კაკლის ბუნებრივი ვრცელი ჰაბიტატი, სადაც გიგანტური იფნების, ჭალის მუხებისა და თელების მხოლოდ ერთეული ეგზემპლარები შემორჩა. სახელწოდება ,,კაკლის ყურეც” აქედან უნდა მომდინარეობდეს.
ალაზნის ჭალის დათვალიერების შემდეგ შესაძლებელია წახემსება საპიკნიკე ადგილას და დედოფლისწყაროში დაბრუნება.
კაკლის ყურე წარმოადგენს ნახევარკუნძულის ფორმის მქონე მდინარე ალაზანში შეჭრილ ყურეს, აზერბაიჯანის საზღვართან.
კაკლისყურე, იგივე ჯუმას ყურე წარმოადგენს მდინარე ალაზნის მეანდრს. მისი ყელის სიგანე 30-40 მეტრს არ აღემატება, ხოლო ფართობი 204 ჰა-ზე მეტია. სადღეისოდ სრულყოფილად, მხოლოდ ამ ყურეშია შემორჩენილი ალაზნის ხეობისათვის დამახასიათებელი ლეშამბოიანი ჭალის ტყე, რომელიც ფლორისტულად ძალიან მდიდარია.
საქართველოში მხოლოდ ამ ყურეშია კაკლის ერთადერთი ბუნებრივი ადგილსამყოფელი და ასევე ერთადერთია საქართველოში სადაც ველური კაკლის ხეები ხარობს.
