თელავის სოფლებს სასმელად უვარგისი წყალი მიეწოდება

ანალიზების მიხედვით,წყალი ნაწლავის ჩხირის ჯგუფის ბაქტე­რიებს შეიცავს.კოლიბაქტერიებით ან მათ მიერ გამომუშავებული ტოქ­სინებით დაბინძურებული საკვების ან წყლის მოხმარებამ კი, შეიძლება გამოიწვიოს ნაწლავური ინფექციე­ბი, შარდსადენი გზებისა და სასქესო ორგანოების დაზიანება, ბაქტერიე­მია, მენინგიტი და სხვა.
თელავის მუნიციპალიტეტის სოფლებში აცხადებენ, რომ ონკანზე მოსული წყლის დალევა აშინებთ. ადგილობრივების თქმით, ისინი სო­ფლების ტერიტორიაზე სხვადასხვა ადგილას არსებული ჭაბურღილი­დან სასმელ წყალს ხელით ეზიდე­ბიან. სოფელ შალაურის მკვიდრ ნუნუ დიასამიძის თქმით, დიდი ხანია მის ონკანზე დაქლორილი და სუფთა წყალი არ მოსულა, წყალს ხშირად ლამი მოყვება და შესაძლოა დაბინ­ძურებულმა წყალმა მოსახლეობის ჯანმრთელობაზე ცუდად იმოქმედოს. დიასამიძის თქმითვე, იმის გამო, რომ დაბინძურებული წყლის დალე­ვა აშინებთ, სასმელად ვარგის წყალს შორი გზიდან ხელით ეზიდებიან.
,,დიდი ხანია წყალი არ დაქლორი­ლა, რომ ყოფილიყო შევამჩნევდით. ხანდახან ქვიშა და ლამი მოჰყვება და აბა იმას როგორ დავლევთ. როცა დაიწმინდება იმ წყალს მხოლოდ სახ­მარად ვიყენებთ, დასალევად ვარგისს კი, ჭაბურღილიდან ხელით ვეზიდე­ბით. კარგი იქნება, თუ დაიწყება სო­ფლებში წყლის დაქლორვა, რომლის დალევა უსაფრთხო იქნება და ბევრი პრობლემაც მოგვეხსნება,’’– განაცხა­და ნუნუ დიასამიძემ.
შალაურის მკვიდრ მანანა ოსიაშ­ვილის თქმით, ყოველი წვიმის მოს­ვლისას ონკანზე ჭუჭყიანი წყალი მოდის. მისი თქმით, ისინი წყლის და­სუფთავებას ელოდებიან და მარაგს შემდეგ იღებენ. ოსიაშვილის თქ­მით, აუცილებელია ადგილობრივმა თვითმმართველობამ მოსახლეობის ჯანმრთელობაზე და აღნიშნული პრობლემის მოგვარებაზე იზრუნოს.
,,ონკანზე არ მოდის სუფთა წყალი,ლამიანია. როგორც კი წვიმა მოდის, იმღვრევა და ველოდებით, დაიწმინდოს და ისე ავიღოთ მარაგი. თუ არა და, ხელით ვეზიდებით სხვა უბნებიდან. ეს პრობლემა დიდი ხა­ნია გვაქვს, ვთხოვთ, ვისაც შეუძლია, დაგვეხმაროს,’’– განაცხადა ოსიაშ­ვილმა.
აღნიშნულ საკითხთან დაკავში­რებით თელავის მუნიციპალიტე­ტის გამგეობაში აცხადებენ, რომ აუცილებელია წყალი, რომელიც მოსახლეობას მიეწოდება,24 საათის განმავლობაში იქლორებოდეს. გამგებელ ალექსანდრე შათირიშ­ვილის თქმით, მათთვის აღნიშნული პრობლემის შესახებ ცნობილია, თუმცა, ადგილობრივ ბიუჯეტში არა­საკმარისი თანხის გამო, სპეციალური ლაბორატორიისა და საქლორატო­როების გაკეთებას ვერ ახერხებენ. გამგეობაში ასევე აცხადებენ, რომ იმ სოფლებში, სადაც მოსახლეობას წყალი დრენაჟიდან მიეწოდება, და­ბინძურებულია.
,,წყალი რომ იყოს ნორმალური უნდა იქლორებოდეს 24 საათის გან­მავლობაში. წელიწაში რამდენჯერმე დაქლორ­ვა ეფექტს არიძლევა. საქლორა­ტოროები, რომლის მეშვეობითაც მუდმივად მოხდება დაქლორვა ჩვენ სოფლებში არ გვაქვს.
ზაფხულის პერიოდში, როცა ძა­ლიან ცხელა, გვაქვს ქლორი, ვატანთ სოფელში ზეინკლებს, რომლებიც ხს­ნიან წყალში ჩვენ მიერ მითითებული დოზითდა ასხამენ ავზში, მაგრამ ეს არარის გამოსავალი.
ესარის ერთჯერადი სამუშაო და იმ სოფელში მხოლოდ იმ დღისით იქნება ნორმალური წყალი. ახლა ვარდისუ­ბანსა და ნაფარეულში, სადაც წყლის ახალი სათავეები მოეწყო, გაკეთდა საქლორატოროები, მაგრამ ჯერ ვერ ვამუშავებთ, რადგან სჭირდება ელე­ქტროენერგია, ასევე, იქ უნდა იყოს ლაბორატორია, რომელიც გაზომავს წყლის ხარისხსა და ქლორის რაო­დენობას წყალში. ჯერჯერობით ჩვენი ძალებით ამ პრობლემის მოგვარებას ვერ მოვახერხებთ.
გვაქვს მოლაპარაკებები ინფრას­ტრუქტურის სამინისტროსთანდა როგორც გვითხრეს, აუცლილებელია, შეიქმნას ცალკე ააიპ ან შპს, რომელიც იქნება წყალმომარაგების კომპანიის მსგავსი და მოემსახურება მარტო ამ კუთხით სოფლებს. ამ შემთხვევაში კი, ალბათ, შესაძლებელი გახდება პრო­ბლემების მოგვარება,’’– განაცხადა ალექსანდრე შათირიშვილმა.