ახალი ამბები

2013 წლის 9 ივნისს, 12.00 სთ-ზე, ქ. თელავში, მედია-კაფეში

გ ი წ ვ ე ვ თ

საქართველოს იუსტიციის სამინისტროს არასრულწლოვანთა განრიდებისა და მედიაციის პროგრამის პრეზენტაციაზე

საქართველოს იუსტიციის სამინისტროს და სსიპ „დანაშაულის პრევენციის და ინოვაციური პროგრამების ცენტრის“ ერთ-ერთ უმთავრეს პრიორიტეტს წარმოადგენს ეფექტური და ბავშვის ინტერესებზე ორიენტირებული არასრულწლოვანთა მართლმსაჯულების სისტემის შექმნა.

2013 წლის 12 ივნისს ვაჟა–ფშაველას სახელობის თელავის სახელმწიფო დრამატულ თეატრში გაიმართება საქველმოქმედო კონცერტი. კონცერტის მსვლელობისას შეგროვილი შემოწირულობა მოხმარდება თელავის მუნიციპალიტეტის სოციალურად დაუცველ მრავალშვილიან ოჯახებს. აღნიშნული ტურნე კახეთში 10 ივნისს სიღნაღიდან იწყება, აქციის კიდევ ერთი მიზანია აშენდეს სოფელი სადაც, სოციალურად დაუცველი ოჯახები იცხოვრებენ, მათ ამ სოფელში აშენებული სახლები უსასყიდლოდ გადაეცემათ.
კონცერტში მონაწილეობენ:
1. ნიკოლშოუ
2. ფრანი
3. თბილისი
4. ვერიკო ტურაშვილი
5. გიორგი დათიაშვილი
6. გიორგი სუხიტაშვილი 
7. დები გოგოჭურები
8. დები ზვიადაურები
9. მარიამ ელიეშვილი
10. ოთო ბერიშვილი
11. მებაღე
12. ნიკა ნორიელი
13. ანსამბლი – ბარძიმი
14. ანსამბლი – თეატრონი

თელავში კონცერტის ოფიციალური პარტნიორია, მუნიციპალიტეტის გამგეობა, ხოლო საინფორმაციო მხარდამჭერები: გაზეთი კახეთის ხმა და kakhetinews.ge 

წინასაახალწლო დღეებში განსაკუთრებით მნიშვნელოვანია სახალისო, მხიარული და ბედნიერი განწყობილების შექმნა. ამიტომ ყველას, ვისაც გიყვართ სიცილი და იუმორი, ხვალ, 17:00 საათზე “მედია–კაფეში” სოსო მიქელაძე წარმოგიდგენთ იუმორისტულ–მუსიკალურ საღამოს სახელწოდებით „ცოდნა არცოდნა“ („კახური იუმორი “).
პროგრამაში ავტორის მიერ შეტანილია სულ ახლახანს დაწერილი იუმორისტული მონოლოგები, სკეჩები, ნაცნობი სიმღერები და მრავალი სახალისო რამ.
მის: თელავი, ერეკლე მეორის გამზირი # 4
თელავის მედია კაფე. ტელ: 27 28 03

,,ჰაინრიჰ ბიოლის ფონდი“ იწყებს საჯარო ლექციების ციკლს თელავში. პროექტის ფარგლებში 8 საჯარო ლექცია ჩატარდება, რომელთა საერთო სახელწოდებაა “ვის ეშინია ფემინიზმის საქართველოში”. პროექტის მიზანია თანასწორობის იდეის შესახებ ცნობიერების ამაღლება. ლექციები ჩატარდება 14 და 15 აპრილს, 14:00 საათზე, თელავის მედია კაფეში.

პატრიარქის ინიციატივით, მევენახეობა-მეღვინეობის სამეცნიერო ცენტრი ფუძნდება. ინფორმაციას ,,bpn” ავრცელებს. ცენტრის შექმნის შესახებ წესდებას ხელი დღეს საპატრიარქოში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ და ექვსი უმაღლესი სასწავლებლის ხელმძღვანელებმა მოაწერეს.

პატრიარქთან გამართულ შეხვედრაზე ტექნიკური უნივერსიტეტის, საპატრიარქოს ანდრია პირველწოდებულის სახელობის უნივერსიტეტის, ქუთაისის აკაკი წერეთლის სახელობის უნივერსიტეტის, ბათუმისა და თელავის სახელმწიფო უნივერსიტეტებისა და კავკასიის საერთაშორისო უნივერსიტეტის რექტორები იმყოფებოდნენ; ასევე მევენახეობა-მეღვინეობის დარგში მოღვაწე ცნობილი მეცნიერები.

თელავში, საბჭოთა წარსულის კვლევის ლაბორატორიამ აჩვენა დოკუმენტური ფილმი „ცოცხლად მოყოლილი ამბები – მეხსიერება რეპრესირებული ქალების შესახებ“.
ფილმში საუბარია თაობაზე, რომელმაც გამოიარა საბჭოთა ტერორი, ნელ-ნელა ქრება. მათთან ერთად იკარგება მეხსიერება ასობით ათასი ადამიანის ტრაგედიის შესახებ.