ახალი ამბები

დღეიდან დღეიდან დიდი მარხვა დაიწყო. მარხვის პირველ დღეებში ტაძარში წირვა არ სრულდება. სრულდება სპეციალური საგალობლები და ლოცვები. 

ვაშლოვანის და თუშეთის ეროვნულ პარკებს, კავკასიის ბუნების დაცვის ფონდისგან გრანტი გადაეცემათ. აღნიშნულ ხელშეკრულებას ხელი გარემოს დაცვის მინისტრმა, ელგუჯა ხოკრიშვილმა, დაცული ტერიტორიების სააგენტოს თავმჯდომარემ გიორგი შონვაძემ და კავკასიის ბუნების ფონდის პროგრამის დირექტორმა დანიელ სეპიკმა მოაწერეს.

შსს-მ დამამძიმებელ გარემოებაში ჩადენილი განზრახ მკვლელობის ბრალდებით 1979 წელს დაბადებული თეიმურაზ ქ. დააპატიმრა, რომელმაც გამოძიების ინფორმაციით ლაგოდეხის რაიონში, სოფელ აფენში ურთიერთშელაპარაკებისას 1955 წელს დაბადებული მერაბ კ. და 1979 წელს დაბადებული მიხეილ კ. ცეცხლსასროლი იარაღიდან გასროლით მოკლა და შემთხვევის ადგილიდან მიიმალა.

ლაგოდეხის მუნიციპალიტეტის სოფელ ბაისუბანში, გარემოსდაცვითი ზედამხედველობის დეპარტამენტის კახეთის სამსახურის თანამშრომლებმა პატრულირების დროს, ადგილობრივი მცხოვრების ეზოში, უკანონოდ დასაწყობებული წითელი ნუსხის სახეობის – წაბლის ჯიშის პირველი ხარისხის მორი აღმოაჩინეს.

სურსათის ეროვნული სააგენტო მოსახლეობას საკანონმდებლო ცვლილებების გააცნობს.  ცვლილებები, რომლებიც ევროკავშირისა და საერთაშორისო სტანდარტების შესაბამისი სურსათის უვნებლობის სისტემის დასანერგად შემუშავდა, ითვალისწინებს მომხმარებლისთვის უსაფრთხო და უვნებელი სურსათის მიწოდებას.

ეროვნული ბანკის მიერ დადგენილი კურსის თანახმად, 21 თებერვლიდან 1 დოლარის შეძენა 2.1771 ლარადაა შესაძლებელი. 

სააგენტო მრავალწლიანი კულტურების ბაღების გაშენების პროექტს – „დანერგე მომავალი“ იწყებს, რომლის ფარგლებში მრავალწლიანი კულტურების ნერგების შეძენა დაშვებულია მხოლო კვალიფიციური სანერგე მეურნეობებისგან. 

თელავში, “ნიდერლანდების ინსტიტუტი მრავალპარტიული დემოკრატიისთვის” ოფისში ასოციაციამ, “მწვანე ალტერნატივა” შეხვედრა–დისკუსია გამართა.

საქართველოს მთავრობა სოფლის მეურნეობის სამინისტროსთან ერთად სასოფლო-სამეურნეო მიწების ათვისებისთვის ახალ პროექტს იწყებს. პრემიერ-მინისტრის ირაკლი ღარიბაშვილის განცხადებით, აღნიშნული პროექტი სოფლის მეურნეობის დარგის განვითარებას შეუწყობს ხელს. 

გურჯაანში, საჯარო ბიბლიოთეკაში, ინტელექტუალური თამაში – რა? სად? როდის? საგაზაფხულო სეზონის პირველი ტური გაიმართა. 
შეჯიბრში გურჯაანის მუნიციპალიტეტის საჯარო სკოლების გუნდები მონაწილეობენ.